诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
68:1 顺利之歌
（大卫ê诗歌，交hō͘乐官。）愿上帝起来，hō͘他ê对敌四散；hō͘怨恨他ê人tùi他ê面前逃走。
68:2 祢kā in赶散，亲像烟hō͘风吹散；pháiⁿ人见tio̍h上帝ê面to̍h消灭，亲像腊见tio̍h火就熔去。
68:3 总是，义人ē欢喜，in tī上帝ê面前会快乐，in mā ē时常欢欢喜喜。
68:4 Lín tio̍h对上帝吟诗，唱歌oló他ê名；为tio̍h hit位坐车经过旷野ê修造大路。他ê名叫做耶和华，tio̍h tī他ê面前快乐！
68:5 上帝tī他圣ê所在，做孤儿ê父，替寡妇申冤。
68:6 上帝hō͘孤单ê人有厝，hō͘受关监ê人出来享福自由；只有悖逆ê人tòa tī干燥ê地。
68:7 上帝ah，早前祢行tī人民ê头前，经过旷野。 [Sè-la̍h]
68:8 Hit时，地见tio̍h上帝ê面就振动，天mā落雨；hitê西奈mā振动，是因为见tio̍h上帝—以色列ê上帝ê面。
68:9 上帝ah，祢落大雨；祢ê产业—以色列厌倦ê时，祢hō͘她坚固。
68:10 祢ê子民tòa tī hit中间；上帝ah，祢为tio̍h sànchhiah人准备恩惠。
68:11 主出命令，传好消息ê chabó͘人chiâⁿ大阵。
68:12 君王逃走à！逃走à！Tiàm tī厝内ê chabó͘人分tio̍h所抢ê物。
68:13 Lín倒tī羊椆内ê时，亲像粉鸟ê翼镶白银，它ê毛镶黄金。
68:14 全能上帝tī hit内面赶散列王ê时，势面亲像撒门山teh落雪。
68:15 巴珊山是上帝ê山；巴珊山是有真chē山岭ê山。
68:16 有真chē山岭ê山，lín ná ē怨妒上帝所爱tòa ê山？上主ētòa tī hia到永远！
68:17 上帝ê车千千万万；主tī hit中间，亲像tī西奈，tī圣ê所在。
68:18 祢已经上到koân ê所在，kā hiahê俘虏掠来；祢tùi人ê中间接受in所献ê，连悖逆ê人mā献，hō͘上主—上帝thang tòa in中间。
68:19 主是应该受oló ê！他日日背阮ê枷担，他是救阮ê上帝。 [Sè-la̍h]
68:20 上帝是对咱行ta̍k种拯救ê上主；至koân上主救咱脱离死亡。
68:21 总是，beh phah破对敌ê头壳，to̍h是tiāⁿ-tiāⁿ 犯罪ê人ê头壳。
68:22 主讲：我beh kā in tùi巴珊chhōa倒tńg来，tùi深渊chhōa in倒tńg来，
68:23 Hō͘你kā in phah碎，你ê脚踏tī对敌ê血中，你ê狗舐in ê血。
68:24 上帝ah，祢是我ê上帝，我ê王；人已经看tio̍h祢teh行，行入去圣ê所在。
68:25 唱歌ê行tī头前，奏乐ê tòe tī后面，摇lin-long鼓ê chabó͘ gín-á tī中间。
68:26 Tùi以色列ê源头来ê，tio̍h tī ta̍k个会中oló上帝，to̍h是咱ê主！
68:27 Tī hia有kā in管辖ê小便雅悯，有偤大ê族长kah in kui阵ê群众；有西布伦ê族长，有拿弗他利ê族长。
68:28 上帝ah，求祢显出祢ê气力；求祢坚固祢kā阮所成ê tāichì。
68:29 为tio̍h祢tī耶路撒冷ê殿，列王会带礼物来献hō͘祢。
68:30 求祢责备芦苇中ê野兽kah kui群ê牛káng，以及亲像牛á kā银踏tī脚前ê列邦；求祢赶散hiahê ài交战ê人民。
68:31 大官ē tùi埃及来；古实会赶紧ǹg上主来gia̍h起手。
68:32 世上ê列国，lín tio̍h对上帝唱歌；愿lín吟诗oló主。 [Sè-la̍h]
68:33 to̍h是oló hit位坐tī tùi古早to̍h有，tī极koân ê天ê主！他发出极大koh有力ê声。
68:34 Lín tio̍h kā权能归hō͘上主。他ê威严tī以色列ê顶面，他ê权能tī穹苍。
68:35 上帝ah，祢tī祢圣ê所在真正thang惊畏；以色列ê上帝kā气力kah权能赏赐hō͘他ê子民。上帝应该受oló。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。