创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
46:1 雅各Chhōa家眷到埃及
以色列带一切所有ê，出发来到别是巴，to̍h献祭hō͘伊ê老父以撒ê上帝。
46:2 暗时，上帝tī异象ê中间kā以色列讲：「雅各，雅各！」伊讲：「我tī chia。」
46:3 上帝讲：「我是上帝，to̍h是你ê老父ê上帝；你落去埃及m̄免惊，因为我beh hō͘你tī hia成做大国。
46:4 我beh kah你做伙落去埃及，我mā一定ēkoh chhōa你tńg来；约瑟beh手hōaⁿ你ê目chiu ，hō͘你thang安然kheh目。」
46:5 雅各to̍h tùi别是巴出发；以色列hiahê kiáⁿ hō͘ in ê老父雅各，kah in ê bó͘-kiáⁿ lóng坐tī法老所差来beh载伊ê车。
46:6 雅各kah伊所有ê kiáⁿ孙带in ê chengseⁿ kah tī迦南地所得tio̍h ê财物，lóng来到埃及。
46:7 雅各chhōa伊ê kiáⁿ、孙、chabó͘ kiáⁿ、chabó͘孙，kah伊所有ê kiáⁿ孙，lóng来到埃及。
46:8 以色列人来到埃及ê，to̍h是雅各kah伊ê kiáⁿ，in ê名记tī下底：雅各ê大kiáⁿ流便。
46:9 流便ê kiáⁿ：哈诺、法路、希斯仑、迦米。
46:10 西缅ê kiáⁿ：E-mu-el、雅悯、O-hat、雅斤、琐辖，iáu有迦南地ê chabó͘人ê kiáⁿ扫罗。
46:11 利未ê kiáⁿ：革顺、哥辖、米拉利。
46:12 偤大ê kiáⁿ：珥、俄南、示拉、法勒斯、谢拉；独独珥 kah俄南死tī迦南地。法勒斯ê kiáⁿ：希斯仑、Ha-múl。
46:13 以萨迦ê kiáⁿ：陀拉、Phu-oah、约伯、伸仑。
46:14 西布伦ê kiáⁿ：Se-lia̍t、以伦、Ia-li-el。
46:15 Chiahê是利亚tī巴旦亚南kā雅各所生ê kiáⁿ，koh有伊ê chabó͘ kiáⁿ底拿，伊ê kiáⁿ孙男女总共三十三人。
46:16 迦得ê kiáⁿ：Che-hui-óng、Hak-gī、Siu-nî、E-chu-bóng、E-lī、Ia-no-ah-tí、A-li-el-lī。
46:17 亚设ê kiáⁿ：音拿、I-si-bah、亦施韦、庇哩亚，koh有in ê小妹西拉。庇哩亚ê kiáⁿ：希别、Mal-ki-el。
46:18 这是拉班hō͘伊ê chabó͘ kiáⁿ利亚ê女婢悉帕所生ê kiáⁿ孙，to̍h是她kā雅各生ê，总共十六人。
46:19 雅各ê bó͘拉结ê kiáⁿ：约瑟kah便雅悯。
46:20 约瑟tī埃及地生玛拿西kah以法连，to̍h是Ong城ê祭司，Pho-ti-hoe-la̍h ê chabó͘ kiáⁿ，A-se-nat，kā约瑟生ê。
46:21 便雅悯ê kiáⁿ：比拉、Be-kel、A-si-bel、基拉，乃缦、E-hi、Lo-sih、Mup-pîm、Hup-pîm、亚勒。
46:22 这是拉结kā雅各所生ê kiáⁿ孙，总共十四人。
46:23 但ê kiáⁿ：Ho͘-sim。
46:24 拿弗他利ê kiáⁿ：雅薛、Gu-nî、E-chel、Si-lém。
46:25 这是拉班hō͘伊ê chabó͘ kiáⁿ拉结ê女婢辟拉所生ê kiáⁿ孙，to̍h是她kā雅各所生ê，总共七人。
46:26 Hiahê kah雅各做伙到埃及ê，除伊ê新妇以外，见若tùi伊身躯所出ê，总共六十六人。
46:27 Koh有约瑟tī埃及所生ê kiáⁿ有两 个。雅各ê家来到埃及ê，总共七十人。
46:28 雅各kah伊ê家族来到埃及
雅各差偤大做头去见约瑟，thang chhōa in去歌珊，in to̍h来到歌珊ê地。
46:29 约瑟准备伊ê车去歌珊，伊ê老父以色列来kā伊迎接，到见tio̍h面，to̍h仆tī老父ê颔颈，tī颔颈里哭真久。
46:30 以色列kā约瑟讲：「我见tio̍h你ê面，知你iáu活leh，我taⁿ死mā甘愿。」
46:31 约瑟kā伊ê兄弟kah老父ê家讲：「我beh来去通知法老，kā伊讲：『我ê兄弟kah我ê老父ê家，以前tòa tī迦南地ê，taⁿ lóng来到我chia。
46:32 In是牧者，因为in是饲chengseⁿ ê人，in kā羊群、牛群kah一切所有ê lóng带来。』
46:33 法老召lín ê时，若问lín讲：『Lín做啥物头路？』
46:34 lín tio̍h讲：『你ê奴仆，tùi少年到taⁿ，阮连阮ê祖先lóng是teh饲chengseⁿ。』Án-ne lín thang来khiā tī歌珊ê地，因为见若饲chengseⁿ-ê lóng是埃及人所讨厌ê。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。