创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
43:1 约瑟ê众兄弟Chhōa便雅悯来到埃及
Hit所在ê饥荒真严重。
43:2 In tùi埃及带tńg来ê五谷已经食了，in老父kā in讲：「Lín koh去kā咱籴淡薄á米粮tńg来。」
43:3 偤大应伊讲：「Hitê人迫切吩咐阮讲：『Lín小弟若无kah lín做伙来，lín to̍hbe7 tàng见我ê面。』
43:4 你若差阮小弟kah阮做伙去，阮to̍h落去，kā你籴米粮。
43:5 你若m̄差伊去，阮to̍h m̄落去，因为hitê人kā阮讲：『Lín小弟若无kah lín做伙来，lín to̍hbe7 tàng见我ê面。』」
43:6 以色列讲：「Lín án怎beh ánne害我，ná ē kā hitê人讲lín iáu有小弟？」
43:7 In应讲：「Hitê人致意问阮kah阮亲族ê tāichì，讲：『Lín老父iáu tī ・leh无？Lín iáu有兄弟无？』阮照伊所问ê kā伊讲，阮ná ē知伊ē讲：Tio̍h chhōa lín小弟落来？」
43:8 偤大koh kā伊ê老父以色列讲：「你差gín-á kah我去，阮to̍h出发去，thang hō͘阮kah你，以及阮ê gín-á得tio̍h活，免死。
43:9 我kā伊担保，你thang对我讨；我若无chhōa伊tńg来khiā tī你ê面前，我愿一生担当chitê罪。
43:10 咱若m̄是有延chhiân，已经第二pái tńg来à。」
43:11 In老父以色列对in讲：「若是ánne，lín to̍htioh8 ánne做：Tio̍h取chit所在siōng好ê农产物—乳香淡薄，蜂蜜淡薄，以及芳料、没药、榧子、杏仁，lóng收tī器具内，带去送hitê人。
43:12 Lín koh tio̍h带银重倍，mā tio̍h kā lín布袋口伊还lín ê银，带倒tńg去hō͘伊；hitê kiámchhái是失错。
43:13 Lín mā chhōa lín小弟出发，koh去见hitê人。
43:14 总是，愿全能上帝hō͘ lín tī hitê人ê面前得tio̍h怜悯，kā lín hitê兄弟kah便雅悯交还lín。我若一定tio̍h失落我ê kiáⁿ，mā tio̍h hō͘伊失落to̍h是。」
43:15 然后in to̍h带hiahê礼物，mā带银重倍，koh chhōa便雅悯，出发落去埃及，来到约瑟ê面前。
43:16 约瑟看tio̍h便雅悯kah in做伙来，to̍h对管家ê讲：「Chhōa chiahê人去厝内，thâi chengseⁿ，准备宴席，因为中昼我beh kah chiahê人做伙食饭。」
43:17 Hitê人to̍h照约瑟ê话去行，chhōa in hiahê人入去约瑟ê厝。
43:18 Hiahê人因为hō͘伊chhōa到约瑟ê厝，就惊惶，讲：「Chhōa咱到chia，一定是因为头一pái还咱ê银tī布袋á内，chitmá beh chhōe咱ê孔缝，下手害咱，强强掠咱做奴仆，抢咱ê驴á。」
43:19 Into̍h óa近约瑟ê管家，tī厝门口kah伊讲话，
43:20 讲：「我ê主ah，阮头一pái落来，实在是beh籴米粮。
43:21 后来，到歇暝ê所在，开阮ê布袋，想bē到阮ta̍k人ê银足数犹原tī ta̍k人ê布袋口，taⁿ阮有koh带来。
43:22 阮另外有koh带银beh来籴米粮。阮m̄知啥人kā阮ê银hē tī阮ê布袋内。」
43:23 管家讲：「做lín安心，m̄免惊，是lín ê上帝kah lín老父ê上帝，赏赐hō͘ lín财宝tī lín ê布袋内，lín ê银我已经收了。」伊to̍hchhoa7西缅出来hō͘ in。
43:24 Hitê人to̍h chhōa hiahê人入去约瑟ê厝，phâng水hō͘ in，in to̍h洗脚，koh the̍h草料饲in ê驴á。
43:25 In就准备hiahê礼物，thèng候约瑟中昼tńg来，因为in听tio̍h beh tī hia食。
43:26 约瑟tńg来到厝，in to̍hka7所带来ê礼物the̍h入去厝内送hō͘伊，koh仆tī地里kā伊拜。
43:27 约瑟kā in请安，koh讲：「Lín ê老父，to̍h是lín所讲hitê老人，有平安无？伊kám iáu tī ・leh？」
43:28 In应讲：「你ê奴仆，阮ê老父有平安，伊iáu tī ・leh。」In就àⁿ头kā伊拜。
43:29 约瑟gia̍h头看tio̍h伊同母ê小弟便雅悯，to̍h讲：「你kā我讲ê soah尾小弟，kám是chitê？」Koh讲：「细kiáⁿ，愿上帝施恩hō͘你！」
43:30 约瑟疼小弟ê情大激动，想beh赶紧chhōe所在thang啼哭，to̍h入去伊ê房间啼哭。
43:31 后来，洗面了出来，勉强忍teh，to̍h吩咐开桌。
43:32 Into̍h为约瑟另外排一块桌，为hiahê人koh排一桌，mā为kah约瑟做伙食ê埃及人另外排一桌，因为埃及人bē tàng kah希伯来人做伙食，这是埃及人所讨厌ê。
43:33 Hiahê人坐tī伊ê面前，大细照in年岁ê次序；hiahê人大家lóng tio̍h惊kah gāng去。
43:34 约瑟kā伊面前ê食物分hō͘ in；独独便雅悯所得tio̍h ê比别人五倍chē。In就lim酒，kah约瑟做伙宴乐。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。