尼希米记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 重建城墙
Hit时，大祭司以利亚实kah伊ê兄弟hiahê祭司，起来起造羊门，kā它分别做圣，安hitê门扇，to̍h是到Ha-me-ah ê守更楼，mā到Ha-na-nel ê守更楼，lóng分别做圣。
3:2 续接伊ê是耶利哥城人起造；续接伊ê是Im-lī ê kiáⁿ撒刻起造。
3:3 Hap-se-ná hiahê kiáⁿ起造鱼门；hē它ê楹，安它ê门扇kah它ê锁、它ê门闩（chhòaⁿ）。
3:4 续接伊ê是哈歌斯ê孙，乌利亚ê kiáⁿ米利末修理。续接伊ê是Bí-sī-sat-pia̍t ê孙，比利家ê kiáⁿ米书兰修理。续接伊ê是巴拿ê kiáⁿ撒督修理。
3:5 续接伊ê是提哥亚人修理；总是，in ê贵族无担当in ê主ê工。
3:6 Pa-se-a ê kiáⁿ耶何耶大，kah Pí-só͘-tāi ê kiáⁿ米书兰修理旧门，hē它ê楹á，安它ê门扇、它ê锁kah它ê门闩。
3:7 续接伊ê是基遍人Bí-la̍h-thê、Me-lóng人Ngá-tùn kah基遍人，以及属河外ê总督所管ê米斯巴人修理。
3:8 续接伊ê是金匠Hal-ha-iah ê kiáⁿ乌薛修理；续接伊ê是做芳料ê哈拿尼雅修理。Chiahê人坚固耶路撒冷，直到阔ê墙。
3:9 续接伊ê是管理耶路撒冷ê一半ê，户珥ê kiáⁿ利法雅修理。
3:10 续接伊ê是Ha-lu-ma-huh ê kiáⁿ耶大雅，tī kakī ê厝对面修理。续接伊ê是Ha-siap-niah ê kiáⁿ哈突修理。
3:11 哈琳ê kiáⁿ玛基雅kah巴哈摩押ê kiáⁿ哈突修理一段，以及火炉ê楼。
3:12 续接伊ê是管理耶路撒冷hit一半ê。Ha-lo͘-he-sih ê kiáⁿ沙龙kah伊hiahê chabó͘ kiáⁿ修理。
3:13 Tòa tī哈嫩kah撒罗亚ê人民修理山谷ê门，kā它起造，安它ê门扇、它ê锁kah它ê门闩，以及城墙一千肘，直到粪埽ê门。
3:14 管理Bia̍t-ha-ke-lém地ê利甲ê kiáⁿ玛基雅修理粪埽门，kā它起造，安它ê门扇kah它ê锁、它ê门闩。
3:15 管理米斯巴地ê Kol-ho-cheh ê kiáⁿ沙仑修理水泉ê门；kā它起造，kā它盖，安它ê门扇kah它ê锁、它ê栱，以及óa近王ê园ê西罗亚池ê墙，直到hitê tùi大卫城落来ê崎á。
3:16 续接伊ê是管理Biat-chul地ê一半，A-chu-buk ê kiáⁿ尼希米修理，直到大卫坟墓ê对面，koh到开好ê池，以及勇士ê厝。
3:17 造城墙ê利未人
续接伊ê是利未人巴尼ê kiáⁿ利宏修理。续接伊ê是管理基伊拉地ê一半。哈沙比雅为伊所治理ê地来修理。
3:18 续接伊ê to̍h是in ê兄弟，管理基伊拉地hit一半，He-ná-tat ê kiáⁿ Ba-óa-i修理。
3:19 续接伊ê是管理米斯巴ê，耶书亚ê kiáⁿ E-chel修理一段，to̍h是tī上去军装局ê对面oat角ê所在。
3:20 续接伊ê是Cha-bái ê kiáⁿ巴录，尽力修理一段，tùi oat角到大祭司以利亚实厝ê门。
3:21 续接伊ê是哈歌斯ê孙，乌利亚ê kiáⁿ米利末修理一段，tùi以利亚实厝ê门，直到以利亚实厝ê尽头。
3:22 造城墙ê祭司
续接伊ê是tòa tī平原ê人hiahê祭司修理。
3:23 续接伊ê是便雅悯kah哈述tī伊ê厝ê对面修理。续接伊ê是A-na-niah ê孙玛西雅ê kiáⁿ亚撒利雅tī伊ê厝ê附近修理。
3:24 续接伊ê是He-ná-tat ê kiáⁿ宾内修理一段，tùi亚撒利雅ê厝，到oat角，koh到城角。
3:25 U-chài ê kiáⁿ巴拉tī oat角ê对面，kah王ê koân ê厝phòng出来ê守更楼，óa近护卫ê院hit一段。续接伊ê是巴录ê kiáⁿ毗大雅修理。
3:26 (尼提宁tiàm tī俄斐勒，到ǹg东水门ê对面，kah phòng出来ê守更楼。)
3:27 其他起造ê人
续接伊ê是提哥亚人koh修理一段，tī hitê phòng出来ê大楼对面，直到俄斐勒ê墙。
3:28 Tī马ê门ê顶面，hiahê祭司ta̍k个tī伊ê厝ê对面修理。
3:29 续接伊ê是音麦ê kiáⁿ撒督，tī kakī ê厝ê对面修理。续接伊ê是顾守东门示迦尼ê kiáⁿ示玛雅修理。
3:30 续接伊ê是示利米雅ê kiáⁿ 哈拿尼雅，kah撒拉ê第六kiáⁿ哈嫩koh修理一段。续接伊ê是比利家ê kiáⁿ米书兰，tī伊ê房间ê对面修理。
3:31 续接伊ê是金匠玛基雅修理到尼提宁kah senglí人ê厝，tī Ha-mi-hu-kat门ê对面，直到城角ê楼。
3:32 金匠kah senglí人修理，tùi城角ê楼到羊门。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。