以斯拉记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
7:1 以斯拉来到耶路撒冷
Chiahê tāichì以后，tī波斯王亚达设西坐位ê时，有一个以斯拉，伊是西莱雅ê kiáⁿ，西莱雅是亚撒利雅ê kiáⁿ，亚撒利雅是希勒家ê kiáⁿ，
7:2 希勒家是沙龙ê kiáⁿ，沙龙是撒督ê kiáⁿ，撒督是亚希突ê kiáⁿ，
7:3 亚希突是亚玛利雅ê kiáⁿ，亚玛利雅是亚撒利雅ê kiáⁿ，亚撒利雅是米拉约ê kiáⁿ，
7:4 米拉约是西拉希雅ê kiáⁿ，西拉希雅是乌西ê kiáⁿ，乌西是布基ê kiáⁿ，
7:5 布基是亚比筛ê kiáⁿ，亚比筛是非尼哈ê kiáⁿ，非尼哈是以利亚撒ê kiáⁿ，以利亚撒是大祭司亚伦ê kiáⁿ。
7:6 Chitê以斯拉是tùi巴比伦来ê，通达上主—以色列ê上帝赏赐摩西ê律法，伊是敏捷ê经学教师。王准伊一切所求ê，是照上主—伊ê上帝ê手kā伊帮赞ê。
7:7 亚达设西王第七年，以色列人ê祭司kah利未人，唱歌ê、顾门ê kah尼提宁，各有几nā个人来到耶路撒冷。
7:8 王第七年五月，以斯拉来到耶路撒冷。
7:9 正月初一，伊tùi巴比伦出发，五月初一to̍h到耶路撒冷，因为伊有上帝施恩ê手kā伊帮赞。
7:10 因为以斯拉已经决意beh讲究上主ê律法来行，koh kā律例kah法度教示以色列人。
7:11 亚达设西皇帝hō͘以斯拉ê文件
以斯拉祭司是经学教师，是通达上主诫命ê话kah他所赏赐以色列ê律例ê经学教师。亚达设西王赐伊谕旨，hitê文记tī下底：
7:12 列王ê王—亚达设西寄hō͘以斯拉祭司，伊是通达天顶上帝ê律法ê经学教师，koh是完全ê人，伊ánne讲：
7:13 「Tòa tī我ê国内ê以色列人、祭司kah利未人，见若甘愿上去耶路撒冷ê，我降旨hō͘ in kah你去。
7:14 你既然是王kah伊七个谋士所差ê，照你手内ê上帝ê律法去调查考察偤大kah耶路撒冷；
7:15 koh带王kah伊ê谋士所欢喜献ê金银，beh hō͘以色列ê上帝，to̍h是tòa tī耶路撒冷ê，
7:16 mā带你tī巴比伦全省所得tio̍h ê金银，kah人民、祭司所欢喜献ê礼物，to̍h是in为tio̍h耶路撒冷in ê上帝ê殿所欢喜献ê。
7:17 「所以，你tio̍h致意用chiahê金银去买牛káng-á、绵羊káng、绵羊á kah in ê素祭，以及in ê灌奠，献tī耶路撒冷lín ê上帝殿ê坛。
7:18 所chhun落来ê金银，你kah你ê兄弟看做好ê，就ánne the̍h去用，lóng tio̍h照lín ê上帝ê旨意。
7:19 所交带你做你ê上帝殿内ê路用ê器具，你tio̍h交tī耶路撒冷ê上帝ê面前。
7:20 Lín ê上帝ê殿若iáu有需要啥物，你所应该tio̍h用ê，你thang tùi王ê金库the̍h去用。
7:21 「我—亚达设西王本身koh降诏hō͘河外所有管金库ê官，讲：『通达天顶上帝ê律法ê经学教师—以斯拉祭司，无论对lín讨啥物，lín tio̍h致意照ánne行；
7:22 供给伊银到一百他连得，麦到一百歌珥，酒到一百罢特，油到一百罢特，盐无限额。
7:23 见若天顶ê上帝所命令ê，tio̍h为tio̍h天顶ê上帝ê殿斟酌来做。Ná ē-sái hō͘受气临到王kah王ê kiáⁿ ê国？
7:24 我koh命令lín，见若祭司、利未人、唱歌ê、顾门ê、尼提宁kah tī上帝ê殿做差用ê人，m̄ thang收in ê进贡、捐税、钱粮。』
7:25 「以斯拉，照你ê上帝赏赐hō͘你ê智慧，设立士师kah审判官，来治理河外ê人民，to̍h是所有bat你ê上帝ê律法ê，若是hiahê m̄ bat ê，你tio̍h kā in教示。
7:26 见若无beh遵thàn你ê上帝ê律法kah王ê律法，to̍h tio̍h小心定伊ê罪，á是hō͘伊死，á是充军，á是抄家，á是关监。」
7:27 以斯拉O-ló上主
「O-ló咱祖先ê上帝—上主，因为他hē chitê意思tī王ê心，加添荣光tī耶路撒冷ê上帝ê殿，
7:28 koh hō͘我tī王kah伊ê参谋，以及王一切有权势ê首领ê面前，得tio̍h恩典。上主—我ê上帝ê手帮赞我，我to̍h勇敢，聚集以色列hiahê头人kah我做伙起来。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。