历代志下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
30:1 准备过Pôaⁿ过节
希西家差人到以色列kah偤大全地,koh写phoe hō͘以法连kah玛拿西,ài in来耶路撒冷上主ê殿,守Pôaⁿ过节服事上主—以色列ê上帝。
30:2 因为王kah伊ê首领,以及tī耶路撒冷ê会众,已经做伙议论决定,beh tī二月守Pôaⁿ过节。
30:3 Hit时,in bē tàng守节,因为kakī 清气ê祭司iáu无够额,人民mā无聚集来tī耶路撒冷。
30:4 王kah会众lóng看chitê tāichì做好。
30:5 to̍h定tio̍h命令,宣布tī以色列全地,tùi别是巴到但,hō͘ in lóng来tī耶路撒冷守Pôaⁿ过节,服事上主—以色列ê上帝,因为人民平时无真chē人照所写ê规例来遵守。
30:6 走文书ê带王kah伊hiahê首领ê phoe,遍行以色列kah偤大地,照王ê命令,讲:「以色列人,lín tio̍h koh归向亚伯拉罕、以撒、以色列ê上帝—上主,他to̍h ē归向lín chiahê脱离亚述hiahê王ê手所chhun落来ê人民。
30:7 Lín m̄ thang亲像lín ê祖先kah lín ê兄弟,in悖逆上主—in祖先ê上帝,致使他hō͘ in tú tio̍h灭亡,亲像lín所看tio̍h ê。
30:8 Taⁿ m̄ thang亲像lín ê祖先ánne硬颔颈,tio̍h献kakī hō͘上主,入去他ê圣所,to̍h是他永远分别做圣ê,koh tio̍h服事上主—lín ê上帝,thang hō͘他ê大受气oa̍t-tńg离开lín。
30:9 因为lín若归向上主,lín ê兄弟kah lín ê kiáⁿ儿to̍h ētī掠in ê人ê面前得tio̍h怜悯,thang koh tńg来chit所在,因为上主—lín ê上帝是慈悲koh怜悯ê。Lín若归向他,他一定bē oa̍t他ê面m̄看lín。」
30:10 走文书ê一城过一城,遍行以法连、玛拿西到西布伦,m̄ koh,hiahê人kā in耻笑,kā in khau洗。
30:11 总是,亚设、玛拿西、西布伦ê中间,mā有人kakī 谦卑,来到耶路撒冷。
30:12 上主mā感动偤大人,hō͘ in一心遵thàn王kah hiahê首领,照上主ê话所出ê命令。
30:13 过Pôaⁿ过节
二月,有真chē人聚集tī耶路撒冷,成做真大ê会,beh守除酵节。
30:14 In起来,全部除去耶路撒冷所有ê坛kah烧香ê坛,hiat tī汲沦溪。
30:15 二月十四,thâi Pôaⁿ过节ê羊á,祭司kah利未人kakī 感觉见笑,就清气kakī ,带烧祭来到上主ê殿。
30:16 照上帝ê奴仆摩西ê律法,照例ta̍k人khiā伊ê位,祭司kā in tùi利未人ê手接血来hiù。
30:17 会中有真chē人无清气kakī ,所以,托利未人替所有无清气ê人thâi Pôaⁿ过节ê羊á,hō͘ in tī上主ê面前成做清气。
30:18 因为以法连、玛拿西、以萨迦kah西布伦,有真chē人无清气kakī ,总是,in mā食Pôaⁿ过节,无合所记载ê例。
30:19 因为希西家替in祈祷,讲:「见若有绝对ê心来走chhōe上主,to̍h是上主in祖先ê上帝,虽然无照圣所清气ê礼仪kakī 清气,求至好ê上主mā kā in赦免。」
30:20 上主听希西家ê祈祷,to̍h医好人民。
30:21 Tòa tī耶路撒冷ê以色列人大大欢喜,守除酵节七工。利未人kah祭司日日oló上主,用响亮ê乐器oló上主。
30:22 Koh再过节
希西家安慰所有gâu服事上主ê利未人。就ánne,群众食节筵七工,献谢恩祭,koh tī上主—in祖先ê上帝ê面前认罪。
30:23 全会众议论beh koh守节七工。就ánne,欢喜koh守节七工。
30:24 因为偤大王希西家送会众牛káng一千只,羊七千只做祭物。众首领mā送会众牛káng一千只,羊一万只,koh有真chē祭司kakī 清气。
30:25 偤大会众kah祭司利未人,以及hiahê tùi以色列来ê会众,koh有hiahê tùi以色列地来ê出外人,kah tòa tī偤大ê出外人,lóng欢喜快乐。
30:26 就ánne,tī耶路撒冷大欢喜,因为tùi以色列王大卫ê kiáⁿ所罗门ê时,tī耶路撒冷m̄ bat有过ánne。
30:27 Hit时,祭司利未人起来,kā人民祝福。In ê声有hō͘上主听tio̍h,in ê祈祷透到他tòa ê圣所,到tī天里。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。