历代志下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
26:1 偤大王乌西雅
(王下14：21-22；15：1-7)
偤大众人设立乌西雅续接伊ê老父亚玛谢做王，hit时伊十六岁。
26:2 亚玛谢王kah伊ê祖先同困了后，乌西雅起以诺城，hō͘它犹原归偤大管辖。
26:3 伊坐位ê时十六岁，tī耶路撒冷做王共五十二年。伊ê老母ê名叫做E-kho-li-ah，是耶路撒冷人。
26:4 乌西雅行上主所看做好ê tāichì，照伊ê老父亚玛谢所行ê一切。
26:5 当通达上主启示ê撒迦利亚tī ・leh ê日，乌西雅定tio̍h意思beh 走chhōe上帝；伊走chhōe上主ê时，上帝to̍h hō͘伊兴通。
26:6 乌西雅出去攻击腓利士人，拆毁迦特ê城墙，Iap-neh ê城墙kah亚实突ê城墙；tī腓利士人ê中间，tī亚实突境内，起几nā个城。
26:7 上帝帮赞伊攻击腓利士人kah tòa tī Gul-ba-al ê阿拉伯人，以及Mi-u-nî人。
26:8 亚扪人进贡乌西雅，伊ê名声传到埃及ê交界，因为伊非常强盛。
26:9 乌西雅tī耶路撒冷ê角门kah山谷门，kah城墙转弯ê所在起城楼，koh是真坚固ê。
26:10 Koh tī旷野起守更楼，koh tī低ê地kah平原开真chē古井，因为伊有真chē chengseⁿ；tī山地kah好ê田，伊koh有作穑人kah料理葡萄园ê，因为伊欢喜种作ê tāichì。
26:11 乌西雅koh有战士一队，照书记耶利kah首领玛西雅所点算ê，tī王ê一个军长哈拿尼雅ê手下，分队出去交战。
26:12 族长to̍h是大能力ê勇士，伊ê总额共二千六百人。
26:13 Tī in ê手下有过练ê军队，共三十万七千五百人，lóng是大能力koh gâu争战，ē tàng帮赞王攻击对敌ê。
26:14 乌西雅为tio̍h in，to̍h是伊ê军队，准备藤牌、枪、头盔、战甲kah弓，以及thang hìⁿ ê石头。
26:15 Koh tī耶路撒冷做机器，是奇巧ê师傅所发明ê，安置tī城楼kah城角头，thang来射箭发出大块石。乌西雅ê名声传到远远，因为伊有得tio̍h特别ê帮赞，致使真强盛。
26:16 乌西雅因为骄傲受惩罚
乌西雅强盛了后，心就骄傲，致使腐败，悖逆上主—伊ê上帝，因为伊入上主ê殿，beh tī香坛烧香。
26:17 祭司亚撒利雅chhōa上主ê勇敢祭司八十人tòe伊入去。
26:18 In就阻挡乌西雅王，kā伊讲：「乌西雅，烧香hō͘上主m̄是你ê tāichì，he是祭司亚伦ê kiáⁿ孙ê tāichì，in受设立来烧香ê。你tio̍h离开圣殿，因为你已经犯罪。你行chitê tāichì，上主—上帝无beh hō͘你得tio̍h荣光。
26:19 乌西雅就受气，手the̍h香炉beh烧香。伊对祭司teh受气ê时，tī上主殿内香坛边hiahê祭司ê面前，伊ê头额忽然起癞ko。
26:20 大祭司亚撒利雅kah所有ê祭司看tio̍h伊头额起癞ko，to̍h kā伊赶出殿；伊kakī mā赶紧出去，因为上主kā伊phah。
26:21 乌西雅王起癞ko到伊死ê日，因为伊癞ko tòa tī另外ê厝，kah上主ê殿隔离。伊ê kiáⁿ约坦管理王家，治理人民。
26:22 乌西雅其他ê tāichì，tùi头到尾，阿摩司ê kiáⁿ以赛亚先知lóng有记录落来。
26:23 乌西雅kah伊ê祖先同困，因为讲伊是癞ko ê，人kā伊埋葬tī属列王ê墓地，kah伊ê祖先做堆。伊ê kiáⁿ约坦续接伊做王。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。