创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
39:1 约瑟kah波提乏ê Bó͘
约瑟hō͘人chhōa落去埃及。有一个埃及人，伊是法老ê人臣侍卫长Pho-thê-hoal，tùi hiahê chhōa伊来ê以实玛利人ê手kā伊买来。
39:2 上主kah伊同在，hō͘伊ta̍k项兴通；伊tòa tī伊ê主人埃及人ê家。
39:3 伊ê主人看tio̍h上主kah伊同在，而且上主hō͘伊ê手所做ê lóng兴通，
39:4 约瑟to̍h tī主人ê面前得tio̍h恩典，来kā伊服事；主人设立伊管理伊ê家，kā一切所有ê lóng交伊ê手。
39:5 自从主人设立伊管理家事kah伊一切所有ê，上主为tio̍h约瑟ê缘故，赐福tī hitê埃及人ê家；见若厝内kah田里一切所有ê lóng得tio̍h上主赐福。
39:6 伊kā一切所有ê lóng交约瑟ê手，除去伊kakī 所食ê物以外，别项所有ê伊lóng m̄知。约瑟英俊koh飘撇。
39:7 Chiahê tāichì以后，约瑟ê主母注神看伊，讲：「来kah我困。」
39:8 约瑟m̄肯。伊对伊ê主母讲：「你看，厝内有啥物tī我ê手，我ê主人lóng m̄知，伊已经kā所有ê lóng交tī我ê手中。
39:9 Τī chit厝内无一个比我khah大。你以外，伊无一项无交hō͘我，因为你是伊ê bó͘。我ná thang行chitê大pháiⁿ，来得罪上帝？」
39:10 后来，她ta̍k日kah约瑟讲话，约瑟无听她ê话，无kah她困，mā无kah她做堆。
39:11 有一日，约瑟入去厝内办伊ê tāichì，hit时无一个人tī ・leh。
39:12 chabó͘人to̍hkhiu2伊ê衫，讲：「你来kah我困。」约瑟kā衫放tī她ê手，走出去外面。
39:13 chabó͘人看tio̍h约瑟kā衫放tī她ê手里，koh走出去外面，
39:14 to̍h叫厝内ê人来，对in讲：「Lín看，我ê丈夫chhōa一个希伯来人入来咱ê家beh kā咱戏弄。伊来我chia，beh kah我困，我to̍h大声hoah。
39:15 伊听tio̍h我出声hoah，to̍h kā伊ê衫放tī我chia，走出去外面。」
39:16 Cha-bó͘人kā约瑟ê衫收tī她hia，thèng候她ê主人tńg来，
39:17 to̍h对伊讲起chiahê tāichì，讲：「你所chhōa来咱tau ê hitê希伯来奴仆来到我chia，beh kā我戏弄，
39:18 我出声hoah，伊to̍hka7伊ê衫放tī我chia，走出去外面。」
39:19 主人听tio̍h伊ê bó͘对伊所讲ê话：「你ê奴仆亲像ánne款待我。」伊to̍h受气。
39:20 约瑟ê主人kā伊关落监，to̍h是王ê罪犯受关ê所在。就ánne，约瑟hông关tī hitê监内。
39:21 总是，上主kah约瑟同在，施恩hō͘伊，hō͘伊tī管监ê人面前得tio̍h恩典。
39:22 管监e5to̍h kā监内所有ê犯人lóng交约瑟ê手；tī hia所做ê tāichì，lóng是约瑟teh做。
39:23 见若约瑟手中ê tāichì，管监ê一概无chhap，因为上主kah约瑟同在，而且伊所做ê，上主lóng hō͘伊兴通。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。