创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
37:1 约瑟kah伊ê兄弟
雅各tòa迦南地，to̍h是伊ê老父寄脚ê所在。
37:2 雅各ê世系记tī下底：约瑟十七岁，kah伊hiahê阿兄做伙顾羊。伊是一个gín-á，kah伊ê老父ê细姨辟拉ê kiáⁿ悉帕ê kiáⁿ，tiāⁿ-tiāⁿ 做阵。约瑟kā伊hiahê阿兄ê pháiⁿ品行kā in老父讲。
37:3 Taⁿ以色列疼约瑟khah赢过疼伊其他ê众kiáⁿ，因为约瑟是伊年老ê时生ê。伊kā约瑟做一领彩色ê衫。
37:4 约瑟hiahê阿兄看tio̍h老父khah疼约瑟，就怨恨约瑟，m̄ kah伊讲和睦ê话。
37:5 约瑟梦见一个梦，kā伊hiahê阿兄讲，in to̍hkoh khah怨恨伊。
37:6 约瑟对in讲：「请lín听我所梦见ê梦：
37:7 咱tī园里縖五谷，我所縖ê会khiā起来，lín所縖ê就围óa来拜我所縖ê。」
37:8 伊ê阿兄应讲：「Kám讲你真正beh做阮ê王？真正beh kā阮管辖？」Into̍h为tio̍h伊ê梦kah伊ê话，koh khah怨恨伊。
37:9 后来，伊koh梦见一个梦，mā kā伊ê阿兄讲：「你看，我又koh梦见一个梦：有日、月kah十一粒星teh拜我。」
37:10 约瑟kā伊ê老父kah伊ê阿兄讲，in老父to̍h kā伊责备，讲：「你所梦见chitê梦是啥物梦？Kám讲我kah lín老母、lín兄弟，lóng tio̍h仆teh kā你拜？」
37:11 约瑟ê阿兄lóng怨妒伊，伊ê老父kā chiahê话记tī心内。
37:12 约瑟Hông卖去埃及
约瑟ê阿兄去示剑，饲老父ê羊。
37:13 以色列对约瑟讲：「Lín阿兄kám m̄是tī示剑teh饲羊？你来，我beh差你去in hia。」约瑟应讲：「我tī chia。」
37:14 以色列kā伊讲：「你去看lín阿兄有平安á无，羊群有平安á无，然后tńg来kā我讲。」以色列to̍h差伊出希伯仑ê山谷。约瑟to̍h去到示剑，
37:15 有人tn̄g tio̍h伊tī山里迷路，to̍h问伊讲：「你teh chhōe啥物？」
37:16 伊讲：「我teh chhōe我ê阿兄，请kā我讲，in tī tó位teh饲羊？」
37:17 Hitê人讲：「In已经离开chia，因为我听tio̍h in teh讲：咱来去To-than。」约瑟to̍h去jiok伊ê阿兄，tī To-than tú tio̍h in。
37:18 In远远看tio̍h约瑟。伊iáu未行到in hia，in to̍h做伙计谋beh kā伊害死。
37:19 In大家做伙讲：「你看，做梦ê来à。
37:20 来，taⁿ咱来kā伊thâi死，hiat tī一口干井，然后chiah来讲伊是hō͘野兽食去。咱chiah来看伊ê梦将来ē变án怎？」
37:21 流便听tio̍h，to̍h想beh救伊脱离in ê手，讲：「咱m̄ thang害死伊ê性命。」
37:22 流便koh对in讲：「M̄-thang hō͘伊流血。Kā伊hiat落去chitê旷野ê干井，m̄ thang下手kā伊害死。」伊ê意思是beh救约瑟脱离in ê手，hō͘伊ē tàng tńg去伊ê老父hia。
37:23 约瑟来到伊ê阿兄hia，hit时in to̍hthng3约瑟ê外衫，to̍h是伊身躯hit领彩色ê衫。
37:24 Into̍h kā伊掠起来，hiat落去井里；hit口井是干ê，内面无水。
37:25 In坐teh食饼，gia̍h头看，看tio̍h一阵以实玛利人tùi基列来，用骆驼载芳料、乳香、没药，beh带落去埃及。
37:26 偤大对chiahê兄弟讲：「咱thâi死咱ê小弟，隐密伊ê血，有啥物利益？
37:27 咱来kā伊卖hō͘以实玛利人，m̄ thang下手kā伊害死，因为伊是咱ê小弟，咱ê骨肉。」兄弟听偤大ê话。
37:28 有一kóa米甸ê senglí人tùi hia过，伊ê阿兄to̍h kā约瑟tùi井内giú起来，kā伊卖hō͘以实玛利人，得tio̍h二十个银á。Hiahê人to̍h带约瑟去埃及。
37:29 流便倒tńg来井边，看tio̍h约瑟无tī井内，to̍h拆裂kakī ê衫，非常悲伤。
37:30 伊倒tńg去伊ê兄弟hia，讲：「Gín-á无去à，taⁿ我beh tó位去？」
37:31 In就thâi一只山羊káng，kā约瑟hit领衫ùn血，
37:32 to̍h差人the̍h hit领彩色ê衫去in老父hia，讲：「阮chhōe tio̍h chit领衫，请你认看是你ê kiáⁿ ê外衫á m̄是？」
37:33 伊ē认得，to̍h讲：「这是我ê kiáⁿ ê外衫，有野兽kā伊吞食，约瑟一定是hō͘它拆碎à。」
37:34 雅各to̍h拆裂衫，腰縖麻布，为伊ê kiáⁿ哀伤真chē工。
37:35 伊ê kiáⁿ kah伊ê chabó͘ kiáⁿ lóng起来kā伊安慰。伊m̄肯受安慰，讲：「我一定beh哀伤落阴府，到我ê kiáⁿ hia。」约瑟ê老父为tio̍h伊啼哭。
37:36 米甸人带约瑟来到埃及，kā伊卖hō͘法老ê人臣，to̍h是侍卫长Pho-thê-hoal。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。