历代志上 线上收听:中文和合本 现代中文译本修订版 现代台语 台语圣经 客语 希伯来文读经 下载档案 关于语音圣经
27:1 军事kah民事ê组织
以色列人ê族长、营长、连长kah官长，lóng有分班定tio̍h，ta̍k班有二万四千人，全年照月轮流，替换出入来服事王。
27:2 正月第一班ê班长是Chap-ti-el ê kiáⁿ Ia-sio-be-am，伊ê班内有二万四千人。
27:3 伊是法勒斯ê kiáⁿ孙，管辖正月值班所有ê军长。
27:4 二月ê班长是A-hoah人Tó-tāi，koh有Mik-lo-t mā是hit班ê头人，伊ê班内有二万四千人。
27:5 三月第三个军长是大祭司耶何耶大ê kiáⁿ比拿亚，伊ê班内有二万四千人。
27:6 Chitê比拿亚是三十人中间ê勇士，管理hit三十人，伊ê班内koh有伊ê kiáⁿ A-mi-cha-bat。
27:7 四月第四个班长是约押ê小弟亚撒黑，续接伊ê，是伊ê kiáⁿ西巴第雅，伊ê班内有二万四千人。
27:8 五月第五个班长是I-chu-lah人Siam-hut，伊ê班内有二万四千人。
27:9 六月第六个班长是提哥亚人Ik-ke-sih ê kiáⁿ以拉，伊ê班内有二万四千人。
27:10 七月第七个班长是以法连族，Pe-lóng人He-le-chuh，伊ê班内有二万四千人。
27:11 八月第八个班长是谢拉族户沙人Si-bé-kai，伊ê班内有二万四千人。
27:12 九月第九个班长是便雅悯族，亚拿突人亚比以谢，伊ê班内有二万四千人。
27:13 十月第十个班长是谢拉族，尼陀法人Ma-ha-lâi，伊ê班内有二万四千人。
27:14 十一月第十一个班长是以法连族，比拉顿 ê kiáⁿ比拿亚，伊ê班内有二万四千人。
27:15 十二月第十二个班长是Ot-ni-el族，尼陀法人Hel-tāi，伊ê班内有二万四千人。
27:16 以色列各支族ê官员
管理以色列众支族ê，记tī下底：管流便族ê是细基利ê kiáⁿ以利以谢，管西缅族ê是玛迦ê kiáⁿ示法提雅；
27:17 管利未人ê是Ke-mu-el ê kiáⁿ哈沙比雅；管亚伦ê族ê是撒督；
27:18 管偤大人ê是大卫ê阿兄以利户；管以萨迦族ê是米迦勒ê kiáⁿ暗利；
27:19 管西布伦族ê是Ô-bá-tí-ah ê kiáⁿ I-si-ma-iah；管拿弗他利人ê是亚斯列ê kiáⁿ耶利摩；
27:20 管以法连族ê是A-cha-chiah ê kiáⁿ何细亚；管玛拿西半支族ê是毗大雅ê kiáⁿ约珥；
27:21 管基列地玛拿西半支族ê是撒迦利亚ê kiáⁿ It-tó͘；管便雅悯族ê是押尼珥ê kiáⁿ Ia-si-el；
27:22 管但族ê是耶罗罕ê kiáⁿ亚撒列。Chiahê是以色列众支族ê首领。
27:23 以色列人二十岁以下ê，大卫无点算，因为上主bat讲，他ē加添以色列人亲像天顶ê星。
27:24 洗鲁雅ê kiáⁿ约押开始kā它点算，总是，tùi chitê tāichì有上主ê受气到tī以色列，所以，无算到soah尾，它ê数额mā无记tī大卫王ê历代志录。
27:25 王室财产ê主管
掌管王ê金库ê是A-ti-el ê kiáⁿ A-chu-ma-bet。掌管田野、城邑、乡庄、城堡ê金库ê是乌西雅ê kiáⁿ约拿单。
27:26 掌管作田ê农夫，是基绿ê kiáⁿ E-chu-lī。
27:27 掌管葡萄园ê是拉玛人示每，掌管葡萄园ê酒池ê是Sip-mi人Chap-ti。
27:28 掌管平原ê橄榄树kah桑材是Ge-tel人Ba-al-ha-nân；掌管油池ê是Io-a-si。
27:29 掌管沙仑饲牛群ê是沙仑人Sit-lái；掌管山谷饲牛群ê是At-lái ê kiáⁿ沙法。
27:30 掌管骆驼ê是以实玛利人O͘-bil。管驴á ê是Me-lóng人E-tí-iah。
27:31 掌管羊群ê是夏甲人Ia-chih。Chiahê lóng是kā大卫王掌管产业ê。
27:32 大卫ê私人顾问
大卫ê阿叔约拿单做谋士，chitê人有智慧koh做书记。Hak-mo-nih ê kiáⁿ耶悦做王众kiáⁿ ê同伴。
27:33 亚希多弗mā做王ê谋士，亚基人户筛做王ê朋友。
27:34 续接亚希多弗ê，有比拿亚ê kiáⁿ耶何耶大kah亚比亚他。约押做王ê陆军总长。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。