历代志上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
26:1 圣殿ê守卫
顾门ê班列记tī下底：可拉族亚撒ê kiáⁿ孙中间，有Kho-lē ê kiáⁿ Me-si-le-miah。
26:2 Me-si-le-miah有kiáⁿ，大ê是撒迦利亚，第二个是耶叠，第三个是西巴第雅，第四个是Iat-ni-el，
26:3 第五个是以拦，第六个是约哈难，第七个是以利约乃。
26:4 俄别以东有kiáⁿ，大ê是示玛雅，第二个是约萨拔，第三个是约亚，第四个是Sa-kal，第五个是拿但业，
26:5 第六个是亚米利，第七个是以萨迦，第八个是Phi-u-le-thái，因为上主有kā伊赐福。
26:6 伊ê kiáⁿ示玛雅有生几nā个kiáⁿ，是掌管in老父ê家，因为in lóng是大勇士。
26:7 示玛雅ê kiáⁿ是Ot-nî、Le-hoa-el、俄备得、El-cha-bat，伊ê兄弟是勇士，koh有以利户kah Se-ma-khiah。
26:8 Chiahê是俄别以东 ê kiáⁿ孙，in kah in ê kiáⁿ in ê兄弟lóng是勇士，有气力gâu办tāichì ê，共六十二人，lóng是俄别以东生ê。
26:9 Me-si-le-miah ê kiáⁿ kah兄弟lóng是勇士，共十八人。
26:10 属tī米拉利ê kiáⁿ孙何萨有几nā个kiáⁿ，大ê是Sim-lī，伊本m̄是大kiáⁿ，总是，in老父设立伊做大kiáⁿ。
26:11 第二个是希勒家，第三个是Te-ba-liah，第四个是撒迦利亚。Án-ne，何萨ê kiáⁿ kah兄弟共十三人。
26:12 Tī chiahê人，to̍h是头人ê中间，分派顾门ê班列，担当职务，kah伊ê兄弟相siâng，tī上主ê殿来服事。
26:13 In无论大细，lóng照in ê宗族抽签，顾守ta̍k个门。
26:14 抽签顾守东门ê是示利米雅，伊ê kiáⁿ撒迦利亚是精通ê谋士，人kā伊抽签来顾守北门。
26:15 俄别以东守南门，伊ê kiáⁿ守库房。
26:16 Siu-phìm kah何萨顾守西门，tī óa近Sia-le-kiat门，透到上去ê街路，班kah班相对。
26:17 Tī东pêng有六个利未人，tī北pêng ta̍k日有四个人，tī南pêng ta̍k日有四个人，tī库房有两人，koh有两人相替换。
26:18 Tī Pal-bal ê西pêng，tī大街路有四个人，tī Pal-bal有两 个人。
26:19 Chiahê是可拉ê kiáⁿ孙kah米拉利ê kiáⁿ孙顾门ê班列。
26:20 圣殿其他ê职务
利未人ê中间，亚希雅管理上主殿ê金库kah圣物ê金库。
26:21 讲tio̍h拉但ê kiáⁿ孙，to̍h是革顺人拉但 ê kiáⁿ孙，lóng是族长，chitê拉但是革顺人，伊ê kiáⁿ是E-hi-e-lī。
26:22 E-hi-e-lī ê kiáⁿ Se-thán kah伊ê小弟约珥，掌管上主殿内ê金库。
26:23 暗南族、以斯哈族、希伯仑族、乌薛族，mā lóng有职份。
26:24 Koh有摩西ê孙，革顺ê kiáⁿ Si-pu-el管理金库。
26:25 Iáu有伊ê兄弟以利以谢。以利以谢ê kiáⁿ Le-ha-biah，Le-ha-biah ê kiáⁿ是耶书亚，耶书亚 ê kiáⁿ是约南，约南ê kiáⁿ是细基利，细基利ê kiáⁿ是示罗密。
26:26 Chitê示罗密kah伊ê兄弟掌管圣物ê金库，to̍h是大卫王kah众族长、营长、连长kah军长所献ê。
26:27 In用交战ê时所抢ê物来献，thang修整上主ê殿。
26:28 先见撒母耳，基士ê kiáⁿ扫罗，尼珥ê kiáⁿ押尼珥，洗鲁雅ê kiáⁿ约押所献ê物，kah见若有所献ê物，lóng归示罗密kah伊ê兄弟管理。
26:29 其他利未人ê职务
以斯哈族有Ke-na-niah kah伊ê众kiáⁿ做官长kah士师，管理以色列ê外事。
26:30 希伯仑族有哈沙比雅kah伊ê兄弟一千七百人，lóng是勇士，治理约旦河外西pêng ê以色列人，管理上主ê tāichì kah服事王ê职务。
26:31 Tī希伯仑族中间，有Ia-li-iah做头，to̍h是tī希伯仑族中间照伊祖先ê世系，tī大卫坐位ê第四十年，tī基列ê雅薛，chhōe tio̍h in中间几nā个大勇士。
26:32 伊ê兄弟有勇敢做族长ê二千七百人，大卫王派chiahê人管辖流便、迦得、玛拿西半支族，来办理上帝所有ê tāichì kah王ê tāichì。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。