历代志上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 大卫做以色列kah偤大ê王
(撒下5：1-10)
以色列人民to̍h聚集来到希伯仑见大卫，讲：「你看，阮是你ê骨肉。
11:2 以前扫罗做王ê时，chhōa以色列人出入ê mā是你；而且上主—你ê上帝bat对你讲：『祢ē照顾我ê子民—以色列人，mā ē做我ê子民—以色列人ê君王。』」
11:3 就ánne，以色列众长老来到希伯仑见王，大卫to̍h tī希伯仑，tī上主ê面前kah in立约，in to̍h用油抹大卫，kā伊设立做以色列王，照上主交托撒母耳所讲ê。
11:4 大卫kah以色列人去到耶路撒冷，to̍h是耶布斯。Hit时，本地ê耶布斯人tòa tī hia。
11:5 Tòa tī耶布斯ê人kā大卫讲：「你bē tàng入来chia。」总是，大卫征服锡安ê城堡，做大卫ê城。
11:6 大卫讲：「做头攻击耶布斯人ê会做首领，做元帅。」洗鲁雅ê kiáⁿ约押tāi先去攻击，to̍h做首领。
11:7 大卫tòa tī城堡，所以，in kā它叫做大卫ê城。
11:8 伊起城ê四箍围，to̍h是tùi米罗起到它ê四箍围，其余ê由约押修理。
11:9 大卫直直khah强大起来，因为万军ê上主kah伊同在。
11:10 大卫ê名将
(撒下23：8-39)
下底所记ê是大卫勇士ê头人，in kah以色列人民奋勇，kā伊帮赞得tio̍h国，设立伊做王，照上主所论以色列ê话。
11:11 大卫勇士ê数额记tī下底：Hak-mo-nih人Ia-sio-be-am，伊是chiahê将ê首领，伊bat做一下gia̍h枪thâi死三百人。
11:12 第二是亚合人To-to ê kiáⁿ以利亚撒，伊是三个勇士中间ê一个。
11:13 伊bat kah大卫tī Pa-su-ta̍t-bím，腓利士人聚集tī hia beh交战，tī hia有一丘园大麦满满，众人to̍h tī腓利士人ê面前逃走。
11:14 In khiā tī hit丘园中来kā伊保护，续phah死腓利士人。上主kā in拯救，hō͘ in khah赢。
11:15 三十个头人中间有三人落去石磐hia，入去A-tu-lâm ê洞见大卫；腓利士ê军队扎营tī利乏音ê山谷。
11:16 Hit时，大卫tī城堡，腓利士人ê兵营tī伯利恒。
11:17 大卫欣羡讲：「啥人ē kā伯利恒ê城门边ê井水，chhiūⁿ来hō͘我lim？」
11:18 Chit三人to̍h对腓利士ê军营冲过去，tùi伯利恒ê城门边ê井chhiūⁿ水，带来hō͘大卫。伊m̄-lim，piàⁿ tī上主ê面前，讲：
11:19 「我ê上主ah，我绝对m̄ thang ánne做，chiahê人无顾性命，我kám敢lim in ê血？」因为in无顾性命去chhiūⁿ水来，所以，伊m̄-lim。Chiahê tāichì是chit三个勇士做ê。
11:20 约押ê兄弟亚比筛是hit三个勇士中间ê头，因为伊gia̍h枪攻击三百人来kā inthâi死，to̍h tī chit三人中间得tio̍h名。
11:21 三人中间，伊比hit两 个khah杰出，to̍h做in ê头，总是，bē比得起头ê三人。
11:22 有Kap-chi-el人耶何耶大ê kiáⁿ比拿亚，bat做出真chē大事ê，thâi死摩押人亚利伊勒 ê两 个kiáⁿ，koh tī落雪ê时，落去坑内thâi死一只狮。
11:23 Kohthâi死一个埃及ê大汉人，有五肘ê高，埃及人手里有枪，大亲像布机ê梁；比拿亚gia̍h拐落去kah伊chih接，抢埃及人手内ê枪，chiah用伊ê枪kā伊thâi死。
11:24 Chiahê是耶何耶大ê kiáⁿ比拿亚所行ê tāichì，to̍h tī三个勇士中间得tio̍h名声。
11:25 伊比三十个勇士khah杰出，总是，bē比得前三个勇士。大卫设立伊做侍卫长。
11:26 军队中ê勇士，有约押ê兄弟亚撒黑，伯利恒人，To-to ê kiáⁿ El-ha-nan，
11:27 Ha-lot人沙玛，Pe-lóng人He-le-chuh，
11:28 提哥亚人Ik-ke-sih ê kiáⁿ以拉，亚拿突人亚比以谢，
11:29 Ho-siah人Si-bé-kai，亚合人Í-lâi，
11:30 Ne-to-hoat人Ma-ha-lâi，Ne-to-hoat人巴拿ê kiáⁿ He-lep，
11:31 便雅悯族基比亚人Li-bái ê kiáⁿ以太，比拉顿人比拿亚，
11:32 属Ga-sih chiahê溪ê人Ho͘-lai，亚拉巴人A-mí-el，
11:33 Ba-ha-lum人A-chu-ma-bet，Sial-bóng人E-li-ia-bah，
11:34 Ki-sun人Ha-sém ê众kiáⁿ，Ha-la̍h人Sia-gē ê kiáⁿ约拿单，
11:35 Ha-la̍h人Sa-kal ê kiáⁿ A-hi-àm，Ul ê kiáⁿ E-li-hoal，
11:36 Me-ke-lat人希弗，Pe-lóng人亚希雅，
11:37 迦密人He-chu-lô，E-chu-bái ê kiáⁿ Na-a-lái，
11:38 拿单ê兄弟约珥，Ha-gu-lī ê kiáⁿ Mip-hal，
11:39 亚扪人Che-le̍k，比录人Na-ha-lâi（Na-ha-lâi是kā洗鲁雅ê kiáⁿ约押gia̍h战器ê），
11:40 以帖人以拉，以帖人Ga-lep，
11:41 赫人乌利亚，Ah-lâi ê kiáⁿ撒拔，
11:42 流便人示撒ê kiáⁿ A-tē-ná（伊是流便支族中ê一个族长，chhōa三十人），
11:43 玛迦ê kiáⁿ哈兰，Mit-ni人约沙法，
11:44 A-sit-lat人乌西亚，亚罗珥人Ho-thàm ê kiáⁿ沙玛、耶利，
11:45 The-jih人Sim-lī ê kiáⁿ耶叠，kah伊ê兄弟Io-hah，
11:46 Ma-hap人E-li-el，El-na-àm ê kiáⁿ E-li-bài、Io-sia-bi-iah，摩押人It-mah、
11:47 E-li-el、俄备得kah Me-chó-bah人Ia-si-el。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。