历代志上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
9:1 Tùi逃亡Tńg来ê人
Án-ne，以色列人照in ê世系所算，你看，有记载tī以色列列王ê记录。偤大人因为犯罪，就受掠去到巴比伦。
9:2 Tāi先掠ta̍k个城有产业ê人，to̍h是以色列人、祭司、利未人、尼提宁人。
9:3 Tòa tī耶路撒冷ê，有偤大人、便雅悯人、以法连kah玛拿西ê人。
9:4 偤大ê kiáⁿ法勒斯ê kiáⁿ孙中间有U-thài，U-thài是亚米忽ê kiáⁿ，亚米忽是暗利ê kiáⁿ，暗利是Im-lī ê kiáⁿ，Im-lī是巴尼ê kiáⁿ。
9:5 示罗ê kiáⁿ孙中间有大kiáⁿ亚帅雅kah伊ê众kiáⁿ。
9:6 谢拉ê kiáⁿ孙中有Iu-el kah伊ê兄弟，共六百九十人。
9:7 便雅悯ê kiáⁿ孙中间有撒路，撒路是米书兰ê kiáⁿ，米书兰是Ho͘-ta-iah ê kiáⁿ，Ho͘-ta-iah是Ha-se-nu-ah ê kiáⁿ。
9:8 Koh有耶罗罕ê kiáⁿ Ip-ni-iah，Mi-ku-lih ê孙，乌西ê kiáⁿ以拉，Ip-ni-iah ê干á孙，流珥ê孙，示法提雅ê kiáⁿ米书兰，
9:9 kah in ê兄弟，照in ê世系，共九百五十六人。Chiahê lóng是照in祖先ê家来做族长。
9:10 Tòa tī耶路撒冷ê祭司
属祭司ê，有耶大雅、Io-a-lip、雅斤。
9:11 Iáu有管理上主ê殿ê，希勒家ê kiáⁿ A-cha-liah，希勒家是米书兰ê kiáⁿ，米书兰是撒督ê kiáⁿ，撒督是米拉约ê kiáⁿ，米拉约是亚希突ê kiáⁿ。
9:12 Koh有玛基雅 ê干á孙，巴施户珥ê孙，耶罗罕ê kiáⁿ亚大雅，koh有A-ti-el ê kiáⁿ Ma-sei，A-ti-el是Ia-che-lah ê kiáⁿ，Ia-che-lah是米书兰ê kiáⁿ，米书兰是Me-si-le-mit ê kiáⁿ，Me-si-le-mit是音麦 ê kiáⁿ。
9:13 In kah in ê兄弟lóng做族长，共一千七百六十人，lóng有才能，gâu做上主ê殿差用ê工。
9:14 Tòa tī耶路撒冷ê利未人
利未人米拉利ê kiáⁿ孙中间，有哈沙比雅ê干á孙，亚斯利干 ê孙，哈述 ê kiáⁿ示玛雅。
9:15 Koh有Bak-bat-kal、He-le-sih、Ka-la̍h kah亚撒ê干á孙，细基利ê孙，米迦ê kiáⁿ玛探雅。
9:16 Koh有耶杜顿ê干á孙，Ka-la̍h ê孙，示玛雅ê kiáⁿ俄巴底，koh有以利加拿ê孙，亚撒ê kiáⁿ 比利家。In lóng tòa tī尼陀法人ê庄头。
9:17 Tòa tī耶路撒冷ê圣殿守卫
顾门ê是沙龙、亚谷、达们、A-hi-mān kah in ê兄弟，沙龙做in ê头。
9:18 伊平时顾守ǹg东ê门，是王teh出入ê，in lóng是利未族chiahê营中顾门ê。
9:19 可拉ê干á孙，E-bi-a-sa-huh ê孙，Khó-lī ê kiáⁿ沙龙，kah伊同族ê兄弟可拉人，lóng是管理差用ê工kah守会幕ê门。In ê祖先bat管理上主ê营房，顾守出入ê所在。
9:20 早前以利亚撒ê kiáⁿ非尼哈kā in管理，上主mā kah伊同在。
9:21 Bí-si-lī-bí-ngá ê kiáⁿ撒迦利雅做会幕ê顾门ê。
9:22 受拣选来顾门ê，共两百十二人。In tī in ê庄头，照世系来算，是大卫kah先见ê撒母耳所分派来担当chitê责任ê。
9:23 In kah in ê kiáⁿ孙照in ê班列，顾守上主ê殿，to̍h是会幕hiahê门。
9:24 Tī东西南北，四方lóng有顾门ê。
9:25 In hiahê tòa tī庄头ê兄弟，每七日来kā in tàu脚手。
9:26 因为chiahê顾门ê头，四个利未人lóng担当in ê责任，来管理上主厝内chiahê栈房kah金库。
9:27 In tòa tī上主ê殿ê四箍围，因为hitê厝是交带in，ta̍k早起teh开门ê mā是in。
9:28 其他ê利未人
In中间几nā个人管理服事ê器具，因为照数额带入来，mā照数额带出去。
9:29 其中mā有ê受设立来管理hiahê器具kah圣所ê器具，以及面粉、酒、油、乳香kah芳料。
9:30 祭司ê kiáⁿ ê中间，几nā个人用芳料做膏油。
9:31 利未人玛他提雅是可拉族沙龙ê大kiáⁿ，伊ê责任是管理盘内所煏ê物。
9:32 In同族ê兄弟，哥辖ê kiáⁿ，有ê管理排列ê饼，ta̍k个安息日lóng tio̍h准备。
9:33 Chiahê担当唱歌ê是利未人chiahê族长，tòa tī殿边ê小厝，暝日当职，无做别项ê工。
9:34 顶面chiahê lóng是利未人ê族长，tī in ê世代真出名，tòa tī耶路撒冷。
9:35 扫罗王ê祖先kah Kiáⁿ孙
（代上8:29-38）
基遍ê老父耶利tòa tī基遍，伊ê bó͘叫做玛迦。
9:36 伊ê大kiáⁿ是Ap-tòng，koh有苏珥、基士、巴力、尼珥、拿答、
9:37 基多、亚希约、撒迦利雅kah Mik-lo-t。
9:38 Mik-lo-t生Si-me-ah。Chiahê人kah in ê兄弟tòa tī耶路撒冷，tī in ê兄弟ê对面。
9:39 尼珥生基士，基士生扫罗，扫罗生约拿单、麦基舒亚、亚比拿达kah E-si-ba-al。
9:40 约拿单ê kiáⁿ是Me-li-ba-al，Me-li-ba-al生米迦。
9:41 米迦ê kiáⁿ是Pi-thong、米勒、Tha-le-a kah A-hà-chuh。
9:42 A-hà-chuh生Ia-a-lah，Ia-a-lah生A-le-met、A-chu-ma-bet kah心利，心利生摩撒。
9:43 摩撒生Bi-ne-ah，Bi-ne-ah生利法雅，利法雅ê kiáⁿ是以利亚撒，以利亚撒ê kiáⁿ是亚惜。
9:44 亚惜有六个kiáⁿ，in ê名是A-chu-li-kam、Bo-ke-lu、以实玛利、Sia-li-ah、O-ba-ti-iah、哈难。这lóng是亚惜ê kiáⁿ。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。