列王纪下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
24:1 约雅敬ê年间，巴比伦王尼布甲尼撒起来。约雅敬kā伊服事三年，后来，颠倒kā伊悖逆。
24:2 上主差迦勒底ê军队、亚南ê军队、摩押ê军队kah亚扪ê军队来kā伊攻击，koh差in攻击偤大beh kā她灭掉，照上主托他ê奴仆chiahê先知所讲ê。
24:3 Chitê tāichì临到偤大，实在是tùi上主ê命令beh kā伊迁徙，离开他ê面前，这lóng是因为玛拿西ê罪，照伊所行ê一切；
24:4 mā为tio̍h伊留无罪ê人ê血，因为伊用无罪ê人ê血充满耶路撒冷，chitê罪上主m̄肯赦免。
24:5 约雅敬其他ê tāichì，见若伊所行ê，kám无lóng记tī偤大列王ê记录？
24:6 约雅敬kah伊ê祖先同困。伊ê kiáⁿ约雅斤续接伊做王。
24:7 埃及王无koh tùi伊ê地出来，因为巴比伦有王征服所有属埃及王ê地，tùi埃及小河到幼发拉底大河。
24:8 偤大王约雅斤
(代下36：9-10)
约雅斤坐位ê时，十八岁，tī耶路撒冷做王三月日。伊ê老母ê名叫做Ne-hu-si-thah，是耶路撒冷人以利拿单ê chabó͘ kiáⁿ。
24:9 约雅斤行上主所看做pháiⁿ ê tāichì，照伊ê老父一切ê所行。
24:10 Hit时，巴比伦王尼布甲尼撒ê人臣上来耶路撒冷，围困hitê城。
24:11 当伊ê人臣围困城ê时，巴比伦王尼布甲尼撒to̍h来。
24:12 偤大王约雅斤出城来到巴比伦王hia，伊kah伊ê老母，kah伊ê人臣、首领、太监lóng去。巴比伦王kā伊掠起来，是tī伊做王第八年。
24:13 Koh kā上主殿内ê宝物kah王宫ê宝物，lóng tùi hia the̍h去，koh kā以色列王所罗门所造上主殿内ê金器lóng phah破，照上主所讲ê话；
24:14 koh kā耶路撒冷ê众人kah众首领，以及所有大权能ê勇士，共一万人，连所有ê工匠、铁匠lóng掠去；除国内极sànchhiah ê人以外，无chhun kah一个。
24:15 尼布甲尼撒mā chhōa约雅斤来到巴比伦，kah太后、后妃、太监，以及国内ê大官lóng tùi耶路撒冷掠来到巴比伦。
24:16 Koh kā所有ê勇士七千人，kah工匠、铁匠，以及一千人lóng是勇壮会上阵ê，巴比伦王lóng kā in掠来到巴比伦。
24:17 巴比伦王设立约雅斤ê阿叔玛探雅续接伊做王，kā伊ê名换做西底家。
24:18 偤大王西底家
(代下36：11-12；耶52：1-3)
西底家坐位ê时，二十一岁，tī耶路撒冷做王十一年。伊ê老母ê名叫做Ha-mu-tal，是立拿人耶利米ê chabó͘ kiáⁿ。
24:19 伊行上主所看做pháiⁿ ê tāichì，照约雅敬所行ê一切。
24:20 耶路撒冷kah偤大tú tio̍h chiahê tāichì，是因为上主发出受气，beh tùi他ê面前kā in赶出去。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。