希伯来书 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
7:1 Mal-ki-che-tek Chè-si
Chit-ê Mal-ki-che-tek sī Sâ-liám ông, mā sī chì-koân Siōng-tè ê chè-si. A-bu-la-hàm thâi-iâⁿ lia̍t ông tńg-.lâi ê sî, Mal-ki-che-tek ū khì kā i gêng-chiap koh kā i chiok-hok.
7:2 A-bu-la-hàm ū kā it-chhè só͘ tit tio̍h ê cha̍p-hūn chi-it hō͘ i. ( Mal-ki-che-tek chit-ê miâ ê ì-sù sī " Chèng-gī ê ông ", i koh sī Sâ-liám ông, chit-ê miâ mā ū " Pêng-an-ông " ê ì-sù. )
7:3 Bô Mal-ki-che-tek ê cho̍k-phó͘ thang chai i ê pē-bú sī siáⁿ-mi̍h lâng, mā bô i chhut-sì kah sí-bông ê kì-chài. I kah Siōng-tè ê Kiáⁿ kāng-khoán, kú-tn̂g teh chò chè-si.
7:4 Lín khòaⁿ, chit-ê lâng ū gōa-ni̍h úi-tāi! Liân lán ê sian-chó͘ A-bu-la-hàm to tio̍h kā só͘ tit tio̍h siōng-téng ê mi̍h thiu cha̍p-hūn chi-it hiàn hō͘ i.
7:5 Hiahê tam-tng chè-si-chit ê Lē-bī ê kiáⁿ-sun, sûi-jiân kah I-su-la-el jîn-bîn lóng sī A-bu-la-hàm ê kiáⁿ-sun, pêⁿ-pêⁿ sī hiaⁿ-tī, iáu koh tio̍h hōng bēng-lēng, chiàu lu̍t-hoat tùi jîn-bîn cheng-siu in siu-ji̍p ê cha̍p-hūn chi-it.
7:6 Chóng-.sī, Mal-ki-che-tek m̄-sī sio̍k Lē-bī ê sè-hē, i ū tùi A-bu-la-hàm the̍h cha̍p-hūn chi-it, koh kā tit tio̍h Siōng-tè èng-ín ê A-bu-la-hàm chiok-hok.
7:7 Sī-sè siū sī-tōa ê chiok-hok sī lí-só͘-tong-jiân.
7:8 Hiahê cheng-siu cha̍p-hūn chi-it ê lóng sī ē sí ê lâng; m̄ koh, kāng-khoán ū siu cha̍p-hūn chi-it ê Mal-ki-che-tek, keng-tián chèng-si̍t i iáu oa̍h-.leh.
7:9 Án-ne, lán mā thang kóng, liân kā jîn-bîn cheng-siu cha̍p-hūn chi-it ê Lē-bī, mā bat thong-kòe A-bu-la-hàm lâi la̍p cha̍p-hūn chi-it.
7:10 In-ūi Mal-ki-che-tek gêng-chiap A-bu-la-hàm ê sî, Lē-bī iáu-bōe chhut-sì.
7:11 I-su-la-el lâng ê lu̍t-hoat, sī kin-kì Lē-bī cho̍k ê chè-si chè-tō͘ pan-pò͘. Nā tùi chit-ê chè-tō͘ ē-tàng hō͘ lâng tit tio̍h oân-choân, chiū m̄-bián lēng-gōa koh siat-li̍p chi̍t-ê Mal-ki-che-tek hē-thóng ê chè-si, m̄-sī chiàu A-lông hē-thóng lâi siat-li̍p ê.
7:12 Chè-si chè-tō͘ kì-jiân ū kái-piàn, lu̍t-hoat mā tio̍h kái-piàn.
7:13 In-ūi chiahê tāichì só͘ chí hit ūi, sī sio̍k tī pa̍t-ê chi-cho̍k, in m̄ bat ū lâng tī chè-tôaⁿ chêng ho̍k-sāi.
7:14 Lán ê Chú bêng-bêng sī Iô-tah chi-cho̍k ê kiáⁿ-sun; koan-hē chit-ê chi-cho̍k, Mô͘-se m̄ bat thê-khí in ū chè-si ê chit-hūn.
7:15 Lēng-gōa Chi̍t Ūi Chhin-chhiūⁿ Mal-ki-che-tek ê Chè-si
Taⁿ góa teh kóng ê tāichì koh khah bêng-hián, in-ūi lēng-gōa chi̍t ūi chhin-chhiūⁿ Mal-ki-che-tek ê chè-si í-keng chhut-hiān.
7:16 chit ūi chè-si m̄-sī kin-kì lâng ê kui-chek á-.sī tiâu-lē lâi siat-li̍p, sī chiàu bē húi-hoāi ê oa̍h-miā ê koân-lêng.
7:17 In-ūi keng-tián ū ánne chò-chèng kóng, chiàu Mal-ki-che-tek ê pâi-pan sūn-sū, Lí éng-oán chò chè-si. (chù, SPh 110:4)
7:18 Kū ê tiâu-lē in-ūi bô la̍t koh bô lō͘-ēng, soah siū hùi-tû.
7:19 Mô͘-se ê lu̍t-hoat bô hoat-tō͘ sêng-choân pòaⁿ-hāng tāichì. Lēng-gōa chi̍t hong-bīn, koh khah hó ê ǹg-bāng í-keng chún-pī hó-sè, hō͘ lán thang thong-kòe I lâi chhin-kīn Siōng-tè.
7:20 Chit-hāng tāichì mā ū thong-kòe Siōng-tè ê chiùchōa lâi siat-li̍p; Lē-bī hē-thóng chè-si ê siat-li̍p pēng bô thong-kòe chiùchōa.
7:21 Chí-ū chit-ê I-é-su siū siat-li̍p chò chè-si ū keng-kòe chiùchōa. Kā I siat-li̍p ê Siōng-tè ū tùi I kóng, Chú kì-jiân chiùchōa, chiū bē kái-piàn sim-ì; Lí éng-oán chò chè-si. (chù, SPh 110:4)
7:22 Chiū-sī in-ūi chit-ê chha-pia̍t, I-é-su chiâⁿ-chò koh khah hó ê iok ê pó-chèng-jîn.
7:23 Lēng-gōa koh ū chi̍t-ê chha-pia̍t, Lē-bī hē-thóng chò chè-si ê lâng chin chē, in-ūi sí-bông ê chó͘-tòng, soah bē tàng kú-tn̂g chò chè-si.
7:24 Chí-ū I-é-su m̄-bián kā chè-si ê chit kau hō͘ pa̍t lâng, in-ūi I éng-oán oa̍h-.leh.
7:25 Só͘-í, thong-kòe I-é-su lâi-kàu Siōng-tè ê bīn-chêng ê lâng, I put-sî to ē-tàng kā in chín-kiù, in-ūi I éng-oán oa̍h-.leh, lâi thè in tùi Siōng-tè kî-kiû.
7:26 Chit khoán ê tōa-chè-si tú ha̍h lán ê su-iàu; I sī sèng-kiat, bô chò pháiⁿ, bô lahsap, tùi chōe-jîn tiong-kan hun-pia̍t chhut-.lâi, pī ko-seng kàu pí thiⁿ khah koân.
7:27 I m̄-bián chhin-chhiūⁿ kî-tha ê tōa-chè-si, tio̍h ta̍k ji̍t tāi-seng ūi tio̍h kakī ê chōe hiàn chè, āu-lâi chiah koh ūi tio̍h jîn-bîn ê chōe hiàn chè. I hiàn pún-sin chò chè, chi̍t pái chiū oân-sêng.
7:28 Mô͘-se ê lu̍t-hoat siat-li̍p bô oân-choân ê lâng chò tōa-chè-si; m̄ koh ū lu̍t-hoat liáu-āu, Siōng-tè ēng chiùchōa lâi siat-li̍p I ê Kiáⁿ, hō͘ I éng-oán chò oân-choân ê tōa-chè-si.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。