诗篇 12章1节 到 12章8节   背景资料  上一笔  下一笔
这mā是一首哀歌,而且是khah sêng个人ê哀歌。

第1到2节,chia提起「敬虔ê人」、「忠诚ê人」,这是teh指hiah-ê tī社会道德上有规律、坚持遵守正直ê人。如果chit种人无了,chit种社会就会hō͘用「油滑ê话互相欺诈」ê人所充满,án-ne人kah人之间ê hō͘信力就无。

第3到4节,诗人祈求上帝Kā chit种专门讲虚假话ê嘴舌hō͘切断,不beh hō͘ chit种人继续嚣张落去。Án-ne,chiah ē-tàng看见一个社会ê安定,hō͘生活有平安。

第5到6节,chit两节讲tio̍h上帝必定会来进行审判。因为他已经听tio̍h被压迫ê人呼求ê声音。上帝绝对bē轻视被欺压ê人求救ê祈祷。

第6节,上帝ê应允是绝对会实现ê,ná亲像银á经过「七pái」ê炉火,真纯洁、无瑕疵。「七」,表示完美、神圣ê意思。会用银á表示,是因为圣经时代,银á tī当时被看做货币、贵重ê金属。

第7节,chia讲出一个邪恶时代ê特徵,就是无人会讲诚实话,kan-taⁿ会讲谄媚ê话。M̄-koh上帝真清楚toh一kóa人讲ê话,是欺骗、不诚实ê话语。

第8节,「保护」有含「轻视」恶者ê意思。诗人祈求上帝保护伊,伊相信上帝一定会轻视hiah-ê作恶ê人,救伊脱离hit-ê种邪恶ê环境。

重新查询 专卷研经 诗篇系列
错误回报,请联系