箴言 30章1节 到 30章33节   背景资料  上一笔  下一笔
Chit章kah第三十一章,ē-sái讲是箴言ê后记。Tī第三十章特别标示tio̍h是「亚古珥ê箴言」,这「亚古珥」名只出现tī chia。所讲ê「雅基ê kiáⁿ亚谷珥」是甚么人?已经bē-tàng考。可能就是一位有智慧ê人。伊ê箴言有一个特点,就是真ài用「两点」(第7节)á是「三点」(第15节)、「四点」(第18节、24节、21节、29节)ê方式来表达。读起来就感觉真清楚、容易bat。特别是用「四点」á是「四件」来描述自然界kah人类社会ê行为;亲像第11到14节ê四种人;第16节ê四种永bē讲「有够」ê存在;第19节ê四种自然景象;第22到23节ê四种事实;第25到28节所提起ê四种聪明小动物;第30到31节另四种动物。

第1节,「上帝m̄ kah我同在,我tio̍h bē-tio̍h帮助。」这真清楚koh再表明只有上帝chiah是赏赐智慧ê源头。有上帝同在,即使是tī患难中,mā知影怎样解困。

第2到4节,chit三节经文是延续第1节所提起ê需要有上帝同在。智者会知影用非常谦卑ê语句,讲述家己认bat有限。特别是tī第3节提起「对有关上帝ê事lóng无所知」,然续后落来tī第4节非常清楚提出kui个宇宙ê创造,则大大超过人ê能力所知ê范围。这tùi约伯记第三十八到四十一章,记载上帝回答约伯ê问话,thang看出kui个大自然界之浩瀚伟大,已经m̄是人ê智慧、常识所ē-tàng明白。

第5到6节,上帝ê话语无法度加添á是删改,因为他ê话语是性命ê语言(参考提摩太后书三:16—17)。Ná亲像申命记第四章2节,上帝ài摩西转告以色列人民所讲ê:「我ê命令lín bē-tàng增减。Lín一定tio̍h遵行我所传授上主—lín上帝ê诫命。」另外mā thang参考申命记第十二章32节。

第7到9节,chit段祈求两件事ê内容真实在,ē-sái讲是生活上siōng容易经验得tio̍h ê,m̄-koh却m̄是真容易实践。原因贪欲一直是人性命siōng大ê障碍。

「无讲白贼」,这是诚实ê另外一讲词。诚实,mā是箴言chit本经册中siōng重要ê教示之一。「不穷mā不富」,这是teh指满足、知足。使徒保罗讲:因为贪财是万恶ê 根源;有人贪恋钱财,就受迷惑来离开信仰,hō͘ 家己受真chē 艰苦。(全民版)」(提摩太前书六:10)一个人如果诚实、知足,生活就会感觉愉快、有力。Mā会真紧学tio̍h谦卑。第9节mā回应了第1节所提起ê,需要有上帝,绝对bē-tàng讲「无需要」。

第10节,「批评伊ê奴仆」,这是teh指chē管别人ê厝务事,这结果是食力兼pháiⁿ看。

第11节、第17节,chit两节经文thang参考出埃及记第廿一章17节,以及利未记第二十章9节,lóng清楚记载讲:「凡咒骂父母ê,一定tio̍h处死。」第17节ê「嘲(sau)笑」一词,指ê就是轻视ê意思。Mā只有chit种人才敢咒骂父母。M̄-koh无论是咒骂、轻视,lóng会受tio̍h上帝惩罚。

第12到13节,chit两节提起m̄知谦卑ê人ê心态。当人想beh骄傲ê时,就beh看第4节提起上帝ê伟大。其实,渺小ê人,无甚么好夸耀ê。

第14节,chit节mā反应了第1节所提起ê需要有上帝同在。因为无上帝同在ê人,会用「残暴」ê手段「剥削sàn-chhiah人,吞食无助ê」,m̄-koh chit种人必定会受tio̍h上帝严厉ê惩罚。

第15到16节,「水蛭」,欢喜吸附tī人体上,一吸附上,吸tio̍h人体ê血,就不脱离。所以chia讲「hō͘我」,意思是它永bē脱离,因为án-ne mā无「有够」chit-ê念头。Kah水蛭仝款ê,就是(1)「阴间」,这是永远bē「客满」ê所在。(2)「无kiáⁿ ê妇女」,这tī古代社会是非常悲惨ê,因为伊会hō͘人认为是一个卑贱ê cha-bó͘人看待。颠倒,ē-tàng生育,而且生育真chē,乃是cha-bó͘人得荣耀。因为án-ne,古代ê cha-bó͘人从来bē对家己有娠生kiáⁿ讲「有够」。(3)「干旱缺雨ê土地」正需要大量ê雨水,对雨水ê需求是jú chē jú好。(4)「蔓延不熄ê火」,这是真恐怖ê灾祸。Kā第(1)ê「阴间」kah第(3)ê土地、水,是属tī自然界ê现象,而第(2)kah第(4)项则属tī人性ê欲望,ná亲像火源一般,bē停止,kan-taⁿ会火烧koh khah chē、koh khah阔。

第18到19节,这四样lóng chit工常生活中常见ê自然景观。「鹰」,这是teh指它飞翔天空,却thang tùi高空猛然下扑食地上ê动物;蛇,无脚,却thang tī石磐顶「爬动」mā bē摔落来;船却thang顺风,tī大「海上航行」;而「男女相恋」,确实是siōng无容易明白、奥秘ê一件事,因为这往往m̄是理性thang明白ê事,是超理性ê范围。

第20节,chit节真特别,讲tio̍h不贞洁ê cha-bó͘人,kah淫妇仝款。Chia形容浪荡ê淫妇kā淫乱ê事当做ná亲像食三餐á是偷食点心仝款ê容易、简单。Mā就是讲,chit种cha-bó͘人从来bē承认所犯ê过错,cha-po͘人只要一接触tio̍h伊而发生问题ê时,mā只有ē-tàng承受。

第21到23节,这是古代社会ê生活秩序。(1)古早时ê奴隶来源通常lóng是因为战争失败ê缘故,chiah被俘虏去做奴隶,m̄-koh有一工奴隶却变成主人,表示极大ê改变。(2)愚戆ê人chiah会需索无度、贪婪m̄知足,m̄-koh却会知影饱足,真oh理解。(3)「讨厌ê cha-bó͘人」mā ē-sái讲是「无hông疼惜、爱怜」ê cha-bó͘人,差不多无人会想beh娶之做bó͘,因为人见人厌,ná亲像第廿一章9节、19节、第廿五章24节、第廿七章15节等等所描述ê「唠叨ê cha-bó͘人」仝款。Chit种cha-bó͘人mā ē-sái讲是被丈夫所厌弃ê cha-bó͘人,遭丈夫冷落,m̄-koh taⁿ却有人爱慕而kah伊结婚。(4)女婢代替主母ê地位,ná亲像创世记第十六章1到6节所记载ê夏甲差一点á取代撒拉 ê地位仝款。

第24到31节,这是自然界ê景观,三种极小ê昆虫kah一种小动物—石獾。另外有三种大体积ê动物加上君王。

第32到33节,主要意思在tī劝勉人tio̍h谦卑,m̄-thang kah人起纠纷。


重新查询 专卷研经 箴言系列
错误回报,请联系