箴言 17章1节 到 17章28节   背景资料  上一笔  下一笔
Chit章讲tio̍h宫廷á是贵族ê家庭生活,kah一般人家庭生活ê规律,并无特别ê一个主题。

第1节,chit节thang参考第十五章17节。Mā teh表达一个基本认bat:即使生活贫困,却ē-tàng平安无事,这就是siōng大ê福气(参考诗篇第一三三篇)。圣经中记载几则关系「满桌酒肉」,却是暗藏刣机ê例,包括撒母耳记上第二十章6到7节,扫罗想beh利用宴席杀害大卫;撒母耳记下第十三章23到29节,记载大卫ê kiáⁿ押沙龙为tio̍h帮小妹讨回公道,准备筵席请伊ê兄弟暗嫩食饭,并趁机会kā暗嫩刣死,家己却因为án-ne逃走tī外面。这说明虽然物质上缺乏,ē-tàng享受和睦相处ê家庭生活,比荣华富贵而彼此猜忌、相争koh khah有价值。

	第2节,这是teh指王公贵族ê家庭。「精明ê奴仆」thang取代愚拙ê kiáⁿ,而且真可能会「继承」主人ê「产业」。

第3节,chit节说明上帝「考验」一个人,就ná亲像「锻炼」金银仝款ê,只有堪得考验ê人,tī信仰上chiah是真实ê。

第4节,chit节讲tio̍h「作恶ê人」kah「讲白贼ê人」,in lóng是欢喜听欺骗、不诚实ê话。因为án-ne,所做ê事lóng是邪恶。

第5节,chit节thang参考第十四章31节。圣经ê教导是beh关心、爱护sàn-chhiah人。因为án-ne,任何「嘲(sau)笑」、「侮辱」sàn-chhiah人lóng等于是teh「侮辱」上帝仝款,chit种人肯定会「受惩罚」。

第6节,chit节thang参考第十六章31节。Mā是一句对偶句型。Chia讲出年老ê父母以「kiáⁿ孙」ê成就为「华冠」,这表示一种荣耀。Á「kiáⁿ」mā会以有正直、智慧ê父母为「光荣」。

第7节,chit节也kah宫廷、贵族ê生活有关。领导者若是「讲白贼」,就kah伊ê地位不相称,ná亲像「愚戆人讲温雅ê话」仝款,搭配bē起来。

第8节、第23节、第26节,「o͘-se」是一种罪行,摩西律法真清楚禁止,讲:你ê 审判m̄ -thang 冤枉,m̄ -thang 看人ê 外貌,mā m̄ -thang 接受人 ê 乌纱,因为乌纱会 hō͘智慧 ê 人目睭 chheⁿ-mê,koh 会 hō͘ 义人ê 话péng 倒tńg (全民版)」(申命记十六:19)o͘-se ê行为看起来有时真有路用,m̄-koh就长远来看,则败坏人心siōng严重ê因素。只有收受o͘-se ê官员chiah会做出「惩罚无辜」kah「责phah善人」ê判决。

第9节,「赦免」kah「怀恨」是相对ê;前者thang「得人喜爱」,而后者就无法度建立「友谊」。

第10到11节,明智者kah愚戆者,二者之间差别真大;前者愿意接受「责备」,相对ê,后者就是讲「一百」遍mā是无用。因为in听bē落去劝导,kan-taⁿ会一味地做pháiⁿ事,结果就是面临「死亡」而m̄知。

第12节,「失去幼子ê熊」,意思是teh指母熊,性情必定会暴戾,攻击性真大。作者tī chia讲「胡作妄为ê愚妄人」比失去幼子ê母熊koh khah惨,chit种人比母熊koh khah恶质,一定会远离in。

第13节,chit节thang参考罗马书第十二章21节:「m̄-thang被恶所胜,tio̍h用善胜恶。」箴言chit句话「以恶报善」就是说明m̄知感恩ê人,kan-taⁿ会为厝里带来「祸患」。

第14到15节,无论是家庭á是国家lóng仝款,若是「争论」不休,尤其是对tī「邪恶」ê人无任何惩罚,相对ê,却是伤kah「无辜」,结果lóng是一种重大负担,甚至严重ê时会引来灾祸ná亲像河床「决堤」所带来ê水患仝款,会致使「泛滥」成灾。

第16节,只有「愚昧人」chiah会一直相揽钱财,却m̄知「智慧」ê重要性大大超过chit种thang数ê财富。

第17节,这是一般生活知识,只有互相关心ê人,chiah会有「朋友」,mā chiah ē-tàng继续维护「亲人」ê关系。

第18节,箴言作者一再提起m̄-thang随便替人「作保」ê事(参考六:1、十一:15、二十:16)。过去án-ne,现今ê时代mā仝款。

第19到20节、第24节、第27到28节,chiah-ê经文lóng是谈及愚戆者kah智慧者之间ê差别;愚戆ê人会使弄,爱「夸张」不实ê事,chit种人心内所想ê lóng是「邪恶」。相对tī智者,in讲话一定会谨慎、小心(参考十:19、十三:3)。

第21节、第25节,chit两节lóng谈及家庭生活,说明智慧ê kiáⁿ,ē-sái父母欢乐、安慰。

第22节,这是一句不时被引用来安慰、鼓舞病人ê话。类似ê话语mā出现tī第十二章25节、第十五章13节、15节、第十八章14节等等。

第24节,说明「聪明人」kah「愚昧人」处事ê方式真无仝款、前者做事「明智」,后者lóng是优柔寡断,甚至会变来变去,「永远the̍h不定主意」。


重新查询 专卷研经 箴言系列
错误回报,请联系