民数记 28章1节 到 28章8节   背景资料  上一笔  下一笔
这两章lóng是讲tio̍h有关一整年中应该献祭ê条例。Chiah-ê礼仪条例已经tī出埃及记第十二章、第廿三章14节,利未记第一到七章、第廿三章,申命记第十六章等lóng有记载。M̄-koh,tio̍h注意ê是这两章siōng大ê特色是讲tio̍h全体民众同齐献祭ê时应遵守ê规定,m̄是指个人ê献祭行为。亲像一个族,á是一个支派、家族等。

Chit章共计讲tio̍h五个献祭条例,包括有:1.献一般烧化祭(第1到8节)、2.安息日献ê祭(第9到10节)、3.每月初一tio̍h献ê祭(第11到15节)、40.除酵节tio̍h献ê祭(第16到25节),以及5.收成节tio̍h献ê祭(第26到31节)等。

Tī chit-ê五个献祭礼仪中,第2到3节ê祭是民数记特有ê资料。Mā tùi第1到15节thang看tio̍h献祭ê内容是tùi「每工」到「安息日」,koh再到每一个月。这就形成日、周、月等献祭ê条例。先知文献就特别指出上帝并无喜爱chiah-ê繁琐ê献祭,因为这远不如遵照上帝ê旨意去行。用谦卑ê态度,实行无变ê疼,并且建造公义ê社会生活chiah是正确(参考阿摩司书五:21—24,弥迦书六:6—8)。

Chit段有关献烧化祭ê记事,thang参考出埃及记第廿九章38到41节。

第1到2节,tio̍h注意,有关献祭ê事,五经ê作者lóng一再强调是出tī上帝ê命令,chit-ê意思是teh指敬拜上帝ê事,lóng是根据上帝去做ê。Mā thang án-ne讲,因为是敬拜上帝,因为án-ne,m̄是照人所欢喜ê方式,却是经过上帝同意了后chiah做。M̄-koh重要ê,是凸显上帝tī人性命里ê中心地位,á m̄是根据人ê喜好。就án-ne包括时间、献祭物件等lóng需要走chhōe符合上帝ê旨意。

第3到8节,chit段经文是讲tio̍h每工ài献祭hō͘上帝,chit种祭是属tī烧化祭,是一个族、部落每工lóng tio̍h举行ê祭祀礼仪。献祭ê内容包括两只小公羊,早暗各一只,每只搭配一公斤细面粉调kah一公升橄榄油ê素祭,当然献祭ê牲礼kah素祭材料lóng是无残缺、siōng好ê。表示hō͘上帝ê祭物,teh代表人心ê纯洁、洁净。

重新查询 专卷研经 民数记系列
错误回报,请联系