尼希米记 12章1节 到 12章47节   背景资料  上一笔  下一笔
Chit章主要分做两部分,一是四种名单(第1到26节),二是尼希米时代修建完成ê耶路撒冷城墙,举行奉献城墙礼仪(第27到43节),最后一小段是第44到47节,记载负责看管圣殿仓库kah职责分配工作ê人。

第1到7节,chit段经文是记载陪同所罗巴伯,kah大祭司耶书亚等,同齐tńg去耶路撒冷ê祭司。Chit批名单是tī主前538年,mā就是siōng早期回乡ê人,chia共计提供了22组名单,是属tī第一批tńg去ê祭司名单。注意第2节ê「以斯拉」,并m̄是用斯拉记ê「以斯拉」,因为以斯拉记中记载ê以斯拉,是tī主前458年chiah tùi巴比伦回乡ê,时间相距长到八十年之久。

第8到9节,chia提供了这八组名单,是属tī利未人,比以斯拉记第二章40到42节所提供ê名单koh-khah-chē。第8节ê六组名单,是唱感谢诗歌ê,而后第9节ê名单两组kah其他利未人,则唱「应」ê部分,chit点thang参考第24节所记载ê「一唱一应地o-ló上帝,感谢上帝」chit句话,就koh khah清楚了,这ná亲像chit-má礼拜中读「启应文」仝款。

第10到11节,chia是大祭司ê家族。Chit位耶书亚,就是第一批回乡ê大祭司。第10节chia提起以利亚实,thang参考第十三章4到9节ê记载,讲伊因为teh分配圣殿房间ê时,有私下相授ê污点,hō͘尼希米大大受气。Á第11节ê约拿单,比较第22节ê「约哈难」,有可能是仝一个人。

第12到21节,chit段经文提起祭司ê名单,tī第1到7节已经提过,chit份名单应该是属tī第二批tńg去故乡者。

第22到23节,chia提起tī「大流士做波斯皇帝」,这有可能是大流士二世,伊ê时代是tī主前423到404年;á是大流士三世,伊ê时代是主前336到331年。

第24到26节,ná亲像头前已经有提起ê,有一批利未人tī圣殿敬拜中,是用「启应」ê方式,一唱一应地o-ló上帝、感谢上帝。另外有一批利未人被分配去看守圣殿边ê库房。

第27到30节,这是tī尼希米努力之下,kā耶路撒冷城墙修建完成。因为án-ne,举行特别ê奉献礼拜,利未人lóng被召集来参加chit pái ê盛会。祭司主持城墙洁净ê礼仪,而利未人则tī礼仪中献唱诗歌,mā搭配tio̍h乐器。Thang看出in tī回乡了后,对tī敬拜ê事非常慎重,m̄敢koh再有怠慢,因为án-ne,洁净己身成做所有祭司、利未人ê基本要求,mā同时要求所有人民kah in仝款(第44到45节),以洁净ê心敬拜上帝。虽然这只是耶路撒冷城墙完成ê感恩礼拜,m̄-koh重要ê是礼拜本身是teh回应上帝ê疼,并m̄是城墙ê神圣。

第31到42节,chit段经文记载犹太人领袖分做两队,由in带领群众tī城墙顶绕城行,象徵tio̍h城墙ê修复已经完成,in是一面行,一面吟唱诗歌颂赞上帝。Soah ē-tàng tī城墙顶绕tio̍h行,mā表示hit-ê城墙已经非常坚固thang抵抗外来ê侵犯。这mā就是为甚么tú开始ê时,就有参巴拉、多比雅、基善等人认为in修筑城墙乃是准备ài背叛波斯皇帝(参考二:19)。

第43节,tùi chit节就thang明白为甚么in会hit种兴奋kah快乐,原因是tùi án-ne了后,有城墙thang保护in,m̄免koh再担忧会有附近ê外人随意进入城内搅扰in ê生活,这mā是「妇女kah众细kiáⁿ」mā加入庆祝行列ê原因。

第44到47节,chit段经文记载利未人被分派看管仓库,in确实真尽责,得tio̍h人民ê信任,而众祭司mā lóng按照律法册上所记载ê规矩,办理洁净ê礼仪。加上有利未人ê诗班搭配,致使奉献城墙ê礼仪进行得非常顺利而且美好。因为án-ne,以色列人民会主动送礼物hō͘利未人kah祭司。

重新查询 专卷研经 尼希米记系列
错误回报,请联系