Ná亲像第二章2到4节所记载ê情形，chit-ê「臭耳聋koh哑口」病人，mā就是一般所讲「聋哑」人，伊hō͘人带来耶稣面前，希望得医。

Chit段经文mā说明耶稣医ê方式真chē，有时是kan-taⁿ用一句话，有时是用手扶持，chit-má是用chéng头á探进耳á，而且用嘴澜擦tī嘴舌顶。无论用怎样ê方式，lóng teh表明一件事：耶稣tī无仝ê情况下，有无仝ê医方式。

Hiah-ê人看见耶稣所行ê事，反应仝款是「非常惊奇」。因为耶稣ê能力已经hō͘哑口ê会讲话，臭耳聋ê ē-tàng听见，á这tú好是先知以赛亚传达ê信息所表明ê，tī上帝拯救ê恩典来临ê时，就是án-ne（参考以赛亚书三十五：5—6）。因为án-ne，民众会有chit种「非常惊奇」ê反应，说明in tī心内猜想，耶稣可能就是先知以赛亚所预言beh来临ê拯救者。