马可福音 3章20节 到 3章35节   背景资料  上一笔  下一笔
Chit段经文koh一pái呈现马可福音特有ê「三明治」编辑法,就是第20到21节有人讲耶稣「起siáu」,了续后接第31到35节,讲伊ê老母和兄弟姊妹来探望伊。中间插入ê经文是第22到30节,有犹太人领袖认为耶稣是hō͘ 鬼王别西卜附身,chiah会有chit种能力。

第20到21节讲群众「koh聚lóng」来到耶稣ê厝,ná亲像第二章2节所讲ê仝款。因为án-ne,耶稣kah门徒是连食饭ê时间mā无,这必定kah群众走chhōe耶稣医ê工作有关系。In-tau里ê人听tio̍h了chit种情形,就tùi拿撒勒来beh苦劝阻止伊。

第22节,chia特别提起有经学教师是tùi耶路撒冷落来ê,这表示耶稣ê事已经震撼了耶路撒冷siōng koân当局(应该是「三和林」议会),一定tio̍h派人来察看耶稣到底是怎样样ê一个人。因为án-ne,chiah-ê经学教师是属tī权威阶层ê人,in下了判断,认为耶稣是óa靠鬼王「别西卜」ê能力chiah有办法赶鬼。

第23到26节,耶稣反驳chiah-ê代表权威当局ê经学教师之讲法。耶稣ê说明中真清楚指出,若是有「鬼王」,án-ne「鬼」ê世界就是有组织系统。若此,鬼王一定会保护伊ê属下,bē hō͘伊ê属下受家己人欺负,若无闹内讧,鬼ê世界就bē安宁。

第27节,这是一句当地流行ê俗语。耶稣用chit句话teh说明他m̄-nā m̄是靠鬼王赶鬼,却是kah鬼作战,chiah有办法kā鬼赶出去。

第28到30节,耶稣用真重ê语气讲chit-ê话。Chia「实在」,表示非常衷心、诚心ê意思。所谓「亵渎」表示明明知影,却故意讲出无应该讲ê毁谤话语。耶稣讲chit种人无可能得tio̍h上帝ê赦免。因为这是一种「永远ê罪」,意思是teh指该下地狱ê惩罚。

第31到35节,头前有讲过,chit段经文mā thang直连连tī第22节后面。

「甚么人是我ê老母?甚么人是我ê兄弟?」这是真震撼人心,虽然tùi人来看,耶稣是属tī约瑟kah马利亚ê家庭。M̄-koh耶稣希望用koh khah阔ê心胸看性命ê关系,伊用「凡实行上帝旨意ê人就是我ê兄弟、姊妹,kah老母。」所谓上帝ê旨意,指ê就是上帝对人ê疼。因为有爱ê所在,chiah是上帝ê Kiáⁿ(参考约翰一书四:7—8)。

重新查询 专卷研经 马可福音系列
错误回报,请联系