马可福音 14章53节 到 14章65节   背景资料  上一笔  下一笔
犹太人siōng koân议会「三和林」夜审耶稣,基本上是错误 ê,因为犹太人认为夜间是撒旦、魔鬼活动猖獗ê时刻,bē-tàng夜间开庭。M̄-koh in却故意夜间开庭,明知是违法,却是tāi先违法。Koh讲,in无应该tī「大祭司ê府邸」开庭,á应该tī圣殿一处法庭审案。当时ê大祭司是该亚法,伊是亚那 ê kiáⁿ婿,tī主后18到36年当大祭司。

第54节提起彼得mā tòe到大祭司ê府邸,chit节为第66到72节ê记事留落来一个伏笔。

第55到60节,犹太人领袖chhōebē出任何thang控告耶稣ê罪名,即使in想出所有ê办法beh chhōe做假见证者来陷害耶稣,mā是有破痕soah无法度定耶稣ê罪。Kui个审问ê结果就是「chhōebē出任何证据」。Á重要ê是耶稣lóng m̄作任何回答,这mā是伊教导门徒所讲ê原则(参考马太福音十:19—20,马可福音十三:11)。

第61到62节,大祭司提出chit关键ê一个问题:「你是m̄是基督,是hit位该受称颂ê上帝ê Kiáⁿ?」这「上帝ê Kiáⁿ」kah耶稣是m̄是「基督」,tú好是马可福音chit本经册ê中心主题(参考一:1)。耶稣非常清楚ê回答讲:「我是!」续落来伊引用但以理书第七章13节来形容家己就是tùi天顶降临ê hit位拯救者。

第63到65节,大祭司听了后,大忿怒,随时宣判耶稣「讲侮辱上帝了」,伊既然宣判了,继续问其他ê议员「lín讲该怎样办」是无意义ê。因为摩西律法真清楚规定,讲亵渎上帝一定tio̍h判用石头phah死ê刑罚(参考利未记廿四:16)。因为án-ne,所有议员lóng决定应该kā耶稣判「处死」之罪。续落来就是大家用向耶稣「phùi嘴澜」、「用拳头phah伊」ê方式来侮辱伊。



重新查询 专卷研经 马可福音系列
错误回报,请联系