经学教师主要ê工作，就是教导人民认bat摩西律法，tī-chia，伊向耶稣提出「诫命中toh一条是第一重要」ê问题。其实，伊本身就是chit方面ê专家，提出chit种问题，讲穿了是心怀不轨。

第29到30节是引用申命记第六章4到5节，á第31节是引以利未记第十九章18节b句。「无其他ê诫命比chiah-ê koh khah重要」，chit句话mā等于耶稣为摩西律法下了个定义。

第32到33节，chit位经学教师chiah发见耶稣确实是对摩西律法相当清楚，而且回答ê是完全正确，这恐惊mā是伊从事教导工作以来，第一pái tú-tio̍h án-ne对摩西律法经典chiah-ni̍h清楚ê人。因为án-ne，伊kā耶稣所回答ê重复叙述一pái，而且kā先知信息ê精神接上耶稣作结尾，chit句「比tī祭坛顶献烧化祭kah其他ê祭物hō͘上帝重要得多了」，thang参考诗篇第四十篇6到8节，何西阿书第六章6节，á是弥迦书第六章6到8节。