马可福音 11章12节 到 11章21节   背景资料  上一笔  下一笔
Chit段经文koh一pái thang看tio̍h马可福音siōng特殊ê编辑—「三明治」编辑法,第12到14节是有关无花果树无结果子,然后tī第20到21节讲hit丛无花果树枯焦死了,中间就是夹tio̍h第15到19节论到有关耶路撒冷圣殿ê问题。

无花果树通常tī六、八、十二月开花、结果,á chit-má是四月左右ê时间,会「长满了叶á」是真不正常ê现象。耶稣可能就是看tio̍h这棵树ê「病」,而且病得非常严重,因为án-ne耶稣chiah会讲出第14节chit句话:「tùi今以后,koh再bē有人食你ê果子!」结果,隔工(第20节)耶稣kah门徒经过hit丛无花果树ê时,就发见它枯焦死à。不过,彼得认为án-ne「快」就枯焦死,是kah前一工耶稣「诅咒」该树有关。

第15到19节chit段有关耶路撒冷圣殿ê问题,耶稣「一进圣殿」,就kā hiah-ê做买卖ê商人lóng赶出去,甚至kā in ê摊位lóng翻倒在地,mā不准有人「扛抬杂物tī圣殿ê庭园穿来穿去」。Chia所讲ê「庭园」,是teh指外邦人院,mā是商人买卖ê所在。Tī chiah-ê庭园设置chiah-ê摊位,是经过祭司团核准ê。M̄-koh耶稣却讲in kā圣殿变成了「贼窝」,指ê是chiah-ê商人欺骗、不诚实、贪婪。耶稣tī chia引用ê经文是出tī以赛亚书第五十六章7节,讲上帝赐福ê子民,kā聚集tī耶路撒冷圣殿,hō͘伊成做「万民祈祷ê殿」,m̄-koh chit-má变成贼窝,必定kah管理圣殿ê权贵阶层者有关,就是teh指祭司团kah经学教师。

因为án-ne,tī第18节chia就讲chit两个宗教领袖团体,决定tio̍h想出所有ê办法杀害耶稣。M̄-koh in m̄敢tī chit-ê节期中下手,因为群众lóng欢喜听耶稣ê教导。换句话讲,in是惊民众,却m̄惊in kah商人勾结致使圣殿变成贼窝ê事,引起上帝忿怒。

第19节,耶稣koh一pái kah第11节所记载ê仝款,伊kah门徒无留tī耶路撒冷过瞑,是koh一pái去伯大尼。

重新查询 专卷研经 马可福音系列
错误回报,请联系