利未记 26章14节 到 26章39节   背景资料  上一笔  下一笔
Chit段经文kah前段tú好呈现颠倒ê结果,原因就是毁坏kah上帝ê约之关系者,会受tio̍h诅咒;原本kah上帝之间bē-tàng分开ê关系,mā变成「对敌」ê状态。Chit段经文有一个特点,就是渐进式地讲tio̍h上帝ê惩罚。Thang看出上帝m̄是一出手惩罚人就真重,却是因为人不悔改á渐渐地加重,以「罪加七倍惩罚」方式(参考第18、21、24、28节),一一加添。Tī chit段经文中,mā看tio̍h圣经说明上帝惩罚人ê时,siōng典型ê方式是用「战争、饥荒、瘟疫」(参考19到20节、第25到26节)等三种方式进行。

第14到17节,chia讲tio̍h背弃kah上帝之间所立ê约,必定会带来灾祸,这m̄-nā是身躯ê问题,mā包括了土地ê生产会有不足ê现象出现。而且,无法度保护家己ê同胞、部落,甚至民族、国家,会受tio̍h外族ê侵犯。

第18到20节,「若是lín经历了chiah-ê灾难iáu不听从我」,chit句话真清楚表明头前一段ê惩罚并m̄是siōng严重ê,却是m̄知悔改ê时,上帝会出手koh khah严重。Chia讲上帝ài kā chit种罪加重七倍算。惩罚就是加重七倍重。Tī chia,土地就完全无生产,án-ne,随时就会发生饥荒ê事,会威胁性命ê安全。

第21到22节,「若是lín继续固执,不听从我」,这比前一段所描述ê koh khah严重,饥荒koh khah严重,iáu会食家己ê kiáⁿ、牲畜,过去所累积ê财富lóng会化做乌有。

第23到26节,前段讲tio̍h上帝加重七倍ê惩罚,lóng是tī土地无出产、出现饥荒,chit-má则出现敌人来攻打,有战争ê事连续发生。只要发生战争,就会出现粮食短缺。

第27到35节,chit段koh khah严重,若是继续违背上帝ê命令,以色列人民会tú-tio̍h无法度承受ê苦难,除了食家己ê kiáⁿ充饥外,mā会因为战争,hō͘所有城市lóng变成废墟,甚至被外国人俘虏去做奴隶。重演过去tī埃及做奴隶ê痛苦生活。Chit时chūn,经文ê记载非常讽刺,它讲因为只有án-ne,chiah ē-tàng hō͘土地真正休耕。这讲出一个真重要ê事实,to̍h是:人若平时不守安息日,á利用安息日去工作,并无会因为án-ne得tio̍h koh khah chē,因为tī上帝惩罚ê日子,chiah-ê lóng会收取tńg来,而且是加倍ê收tńg来。

请注意第29节,chia提起上帝tī大受气之下ê惩罚,是严重到「会饿kah得食家己kiáⁿ ê肉」,这表示饥荒á是因为战争缺粮ê情况,已经到à bē-tàng挽回ê地步,thang参考列王记下第六章29节、耶利米书第十九章9节、耶利米哀歌第四章10节、以西结书第五章10节等等经文lóng有提起chit种灾难ê情况,后来确实发生tī以色列人民中。

第36到39节,chit段经文讲出违背上帝命令ê子民,会被掠到国外去做奴隶,而且并无因为tī国外做奴隶,就ē-tàng安心,iáu是仝款,不时生活tī惊惶kah不安中。

重新查询 专卷研经 利未记系列
错误回报,请联系