士师记 18章1节 到 18章20节   背景资料  上一笔  下一笔
Chit章讲出弃sak上帝ê米迦,结果是丧失了所有ê一切。伊原本是希望有这少年ê利未人当in-tau神坛ê祭司后,会tùi上帝hia得tio̍h koh khah chē ê祝福,家业兴旺起来,结果tú好倒反。

Koh讲,chit章mā为「但」支派得tio̍h城市thang定居做个交带。

Chit段经文讲述但族人iáu teh探察thang安定khiā起ê土地。In派出探á到各地去探察,结果来到à米迦ê厝,并且tùi米迦厝里这少年ê利未人得tio̍h祝福,果然发见拉亿城是一个甚适合khiā起ê所在。因为án-ne,派出六百个武装部队准备去攻取拉亿城。

第1到2节,chia一开始就讲「hit时,以色列无君王」,chit种踏话头,ná亲像头前第二到十六章中所提起ê「以色列人koh得罪上主」仝款ê意思。Tī第十七章6节记载ê话句koh khah完整,讲:「Hit时,以色列中无王,ta̍k 人lóng 照伊家己所看做tio̍h ê 来行。(全民版)」chia mā讲「但」支族teh进入迦南地后,原本是有分配到土地ê(参考约书亚记十九:40—46)。Ē-sái讲是,in为甚么会「失去土地」?根据士师记第一章34节ê记载,是因为「但」支族虽然有分配到khiā起ê土地,ē-sái讲是in ê土地有亚摩利人tòa tī hia,而且武力甚强,逼kah「但」支族ê人逃到山区去khiā起,无法度落去到平原来。因为án-ne,in想beh另外chhōe thang安定khiā起ê所在。因为án-ne,tùi全族中选出五位勇士去探察土地,就án-ne来到米迦ê厝。

第3到6节,这五个勇士tī米迦ê厝里听tio̍h这利未人讲话,就马上听出伊ê口音,因为án-ne,in经过询问了后,chiah知影chit位少年ê利未人tī米迦ê厝里当祭司,tùi án-ne请求这利未人替in求问上帝ê旨意,看in chit pái探察土地ê事是m̄是会成功。Chit位少年ê利未人hō͘ in肯定ê答案。

第7到10节,这五个探á来到一个城市「拉亿」,chit-ê城市真可能bat有西顿人来khiā起过,是一个非常好ê土地,m̄-nā肥,而且物产丰富。Koh khah重要ê,是in发见拉亿城是一个「和平、安宁,kah世无争」ê所在,m̄-koh相对ê,mā是一个真封闭ê城市,无kah外界来往,这mā说明两件事:一是chit-ê城市够额自hō͘自足。二是tī国防上ê漏洞真大,á是讲无想tio̍h需要有国防chit类ê防御工事。因为án-ne,in 回报建议进攻此城并且占领hit-ê城。

第11到13节:tī chia ài beh特别注意ê是,tī第7节、第27节ê「安宁」chit-ê词,kah第10节ê「lóng无防备」lóng仝款ê字根,这表示ê另外一个意思是teh指「信赖」,mā就是hit-ê城ê人民是一个值得信赖ê,相对ê,「但」族ê人决定beh用六百个有武装ê士兵入去占领,就是bē-tàng信赖,是「任意而为」,kah拉亿城ê居民「kah世无争」完全颠倒,这tú好反映第1节所讲ê「hit时,以色列无君王」chit句话ê意思,就是tī「但」族人ê身上。

第14到20节,m̄-koh支族ê这六百个武装部队来到米迦ê厝,ná五个探á就讲出in顶pái tī米迦ê厝发见ê事—有一尊木头偶像,外头糊tī银á,iáu有其他偶像kah一件以弗得。因为án-ne,chiah-ê人就决定beh这五个探á入去the̍h走chiah-ê偶像。虽然chit-ê tī米迦厝内ê利未人发见了,m̄-nā无阻止,反tńg因为chiah-ê 但族人ê游说,伊真欢喜接受in邀请去当但族人ê祭司,却m̄是只有米迦厝里ê祭司,就án-ne,但族人m̄-nā偷the̍h米迦厝里ê偶像,连带ê mā kā祭司带走。Chiah-ê行为其实lóng tī说明但族人ê心中无上帝,chiah会án-ne胡作非为。


重新查询 专卷研经 士师记系列
错误回报,请联系