士师记 16章23节 到 16章31节   背景资料  上一笔  下一笔
Chit段经文讲述参孙ê忏悔,而伊悔改ê祈祷上帝垂听,koh一pái赐hō͘伊力量,hō͘伊ē-tàng击败hiah-ê折磨伊ê人。

第23到27节,非利士人欢喜phut-phut-tiô用脚头u想mā知。In kā参孙当做是phah败以色列人民ê战利品,因为án-ne,in tī所拜ê神明「大衮」前大大庆祝chit pái ê胜利,并且tī神明面前戏弄参孙。「大衮」之神,是迦南人所敬奉管理「植物」、「五谷」ê神明,类似Tī台湾ê「神农」神明仝款。M̄-koh参孙已经知影伊一定tio̍h óa靠上帝,chiah ē-tàng phah败非利士人。若无án-ne,伊只有ē-tàng被凌虐到死去。因为án-ne,伊请求hit-ê牵伊手ê童仆,hō͘伊依附tī神庙ê柱子。伊准备利用渐渐长出来ê头毛,恳求上帝赏赐hō͘伊新ê气力。Á当时大约有三千个非利士人tī庙里参加chit项庆功会。

第28到30节,就tī chit时chūn,参孙唯一ē-tàng使用气力ê来源,就是祈求上帝赏赐hō͘伊力量报仇。果然伊hō͘尽所有力量,kā大衮神庙里ê柱子推倒,kā在场约三千非利士人压死,mā包括了五位非利士人ê首领。

第31节,参孙死后,伊ê兄弟kah全家kā伊埋葬,mā结束伊当以色列人民ê士师。

虽然参孙最后ê一道力量,是摧毁大衮神庙以及数以千计ê非利士人。M̄-koh伊并无帮助以色列人民脱离非利士人ê统治。非常可惜,如果伊有严格遵守kah上帝所立ê约,确实过「离俗人」ê生活,以色列人民应该会脱离非利士人统治ê苦难。

重新查询 专卷研经 士师记系列
错误回报,请联系