Chit段经文讲述为tio̍h参孙ê行为，非利士人决定惩罚犹大，in派出军队准备攻打「利希城」。M̄-koh因为参孙有特殊ê能力，致使chiah-ê非利士人惨遭杀害真chē。参孙mā因为án-ne当上士师长到二十年。

第9到10节，chit两节说明非利人决定采取报复行动。In回答犹大人ê话，就是非常典型ê报复话语。

第11到13节，tùi chit段经文mā说明非利士人统治以色列人民期间，以色列人民一直真担心非利士人ê残酷手段。因为án-ne，当in知影非利士人是beh掠参孙ê时chūn，in就不等待非利士人大肆屠杀，而主动地kā参孙交hō͘非利士人。

第14到15节，tī参孙ê故事中有一句常用ê话是「上帝ê灵忽然临到参孙」（参考十四：6、19、十五：14），chit句话是teh指参孙有「奇妙ê」力量，大大超过一般人所ē-tàng估计ê范围，这tùi下列几件事thang看出来：伊ē-tàng「赤手空拳」拆裂一只小狮；伊ē-tàng一个人杀死三十个非利士人；伊thang kā捆绑伊ê两条新索á chhoah断，然后the̍h一条iáu未干ê驴á腮骨刣死一千个非利士人。最后chia讲参孙ē-tàng the̍h一条iáu未干ê驴á腮骨刣死一千人，ná亲像士师珊迦用一条牛ê刺棒phah死六百个非利士人仝款勇猛有力（参考三：31）。珊迦是打击非利士人救了以色列人民，m̄-koh参孙却是为tio̍h家己ê事报仇，二者之间有真大ê差别。

第16到20节，chia讲参孙终其尾知影tio̍h祈求上帝，就算伊有非常大ê气力，mā抵不过口渴ê痛苦。因为án-ne，伊祈求上帝hō͘伊khiā起ê利希之teh lim到水，结果上帝应允了，hi̍t 所在有泉水流出。第20节讲非利士人统治期间，参孙当士师二十年，表示tī chit二十年期间，以色列人民并无因为参孙带领in，当in ê士师，hō͘ in脱离非利士人ê统治。这kah第一位士师俄陀聂，以及后来ê以笏、底波拉、基甸等士师时代，带领以色列人民脱离外族人统治真无仝款。