耶利米书 50章1节 到 50章20节   背景资料  上一笔  下一笔
Chit章kah第五十一章lóng是谈起有关巴比伦帝国灭亡ê信息,这mā是耶利米书提起kah以色列民族互动有关ê国家、民族、部落等灭亡之言论中,所用篇幅siōng长ê一段。

依先知耶利米ê讲法,巴比伦帝国原本是上帝拣选ê奴仆,为tio̍h是beh用来惩罚以色列人民ê,tī第廿五章9节、第廿七章6节,以及第四十三章10节等等经文,lóng有记载tio̍h「我ê奴仆巴比伦王尼布甲尼撒」chit种句话。仝款是先知耶利米ê话语,却传出上帝beh严厉惩罚巴比伦帝国,而且惩罚ê方式是非常严重,是beh毁灭巴比伦帝国。

为甚么会变成chit-ê款式?Mā允准以tùi先知以赛亚ê信息中ē-tàng看出来,伊传出ê信息指出巴比伦ê国王kā家己看程非常伟大,甚至ē-tàng kah上帝比高低,因为án-ne引起上帝极大ê忿怒(参考以赛亚书十四:12—15)。伊bē记得是上帝拣选ê奴仆,却kā国家ê成就,等同家己ê伟大,甚至kā家己当做神明仝款,án-ne chiah是真正ê问题所在。

Tio̍h注意ê chit两章中有kóa描述ê经过kah所发生ê事实并无相符,亲像第五十章8到10节讲:

「以色列人,逃出巴比伦pah!lín beh抢先逃离hit所在!我beh发动北方列强,联合起来,攻打巴比伦。In beh列阵进攻,攻落巴比伦。In ê箭头像神箭手发射ê箭,支支射中目标。巴比伦会被洗劫;洗劫伊ê beh随意掳夺一切。我—上主án-ne宣布了。」

顶面所讲chit段经文读起来,kah-ná是联军进攻巴比伦ê时chūn,以色列人民惊惶逃难,而巴比伦是惨遭无情ê洗劫,而事实上并m̄是án-ne,因为进兵巴比伦帝国ê是波斯帝国,而且以色列人民差不多是用欢迎ê姿态迎接in,因为波斯帝国是来解放in ê,而波斯帝国ê军队是不费一兵一卒就入城,是用「解放者」ê姿态入城,koh khah重要ê是波斯皇帝塞鲁士对巴比伦人ê态度友善,无刣戮ê行为发生。Mā因为án-ne,这mā是引起真chē圣经学者探讨chit两章经文写作时间,以及对tī本章是m̄是出tī先知耶利米ê作品,一直存疑ê主要因素。

因为以色列ê犹大国是tī主前586年被巴比伦帝国所消灭,而tī chit chìn前ê 605年,巴比伦帝国koh kā亚述帝国hō͘消灭,hō͘亚述帝国tī主前721年所灭亡ê北国以色列,其民族就此全部lóng归tī巴比伦帝国管辖统治之下。因为án-ne,当论到巴比伦亡国ê时,另外一方面就是teh表示以色列kui个民族lóng kā得tio̍h释放ê机会。

第1到3节,chia开始就说明以下ê信息lóng是针对「巴比伦城kah它ê居民」。Tùi第四十六到四十九章就已经清楚看tio̍h毁灭chiah-ê国家、族群,就是巴比伦帝国ê军队,因为án-ne,chiah-ê国家kah人民lóng对巴比伦帝国ê兴起,以及它残酷ê手段感觉深恶痛绝。Á chit-má换巴比伦被惩罚ê消息beh传出来,听tī chiah-ê被巴比伦摧毁ê国家、俘掳ê人民耳里,lóng是一件非常兴奋ê消息。	

Chia提起「马杜克」(Marduk),中文《和合本》用「彼勒」、「米罗达」,这是巴比伦ê siōng主要神明,巴比伦人kā它看做是in国家ê守护神,mā是in认为管理土地ê神。因为「巴比伦陷落了」,所以连带ê in所信奉ê神明马杜克mā「蒙羞受辱」。这是因为古代ê人认为:beh摧毁一个国家á是消灭一个民族,就是先kā hit-ê国家á是民族ê主要神明hō͘摧毁。Án-ne,信奉它ê人民就会惊惶不安。Á会来摧毁攻打ê是「有一个国家tùi北方来」ê,m̄-koh若对照第9节来看,就会发见m̄是只有一个国家,却是真chē国家联合起来攻打巴比伦。而且是会彻底消灭巴比伦,hō͘伊成做「国土荒废,无人khiā起;人kah野兽lóng走光了」ê所在。

第4到5节,tùi chit节开始直到第10节,lóng是提起有关以色列民族会tńg去故乡ê事。Chia提起「以色列kah犹大ê人民」chit句话,意思是teh指全体以色列民族,in会「边行边哭chhōe」上帝。并且mā tio̍h chhōe「往锡安去ê路」,这表示in taⁿ thang回乡tńg去,m̄-koh真chē tī巴比伦出世ê新生代,已经bē记得,需要有年老一代ê指引、带领。Á chit句「in beh kah我订立永远ê约,永远bē弃sak」是讲出in会án-ne沦落成做巴比伦帝国ê奴隶,就是bē记得bat kah上帝有立过永远ê约,in无照约去行,chit-má beh重新kah上帝订立新约。先知耶利米bat指出,这新约无koh写tī肉体上,而是beh写tī心版上(参考耶利米书三十一33)。只有刻画tī心版上ê约,chiah会永远记tiâu,「永远bē弃sak」。

第6到7节,chit两节经文讲出以色列人民ê问题,就是领导者错误ê引chhōa,hō͘人民弃sak了上帝ê旨意。

注意chia所用ê「牧者」一词,是teh指以色列ê领导者,包括君王、先知、祭司、社会领袖等。Chia提起以色列ê统治者怠忽职守ê问题,in无好好á照顾人民,chit-má chhōe bē-tio̍h「羊kho͘-á」,表示国家已经无了。因为以色列人民bat沦亡tī亚述帝国kah巴比伦帝国统治之下。chit-má上帝beh重建in,因为án-ne,当上帝出手惩罚巴比伦ê时,mā hō͘以色列民族带来一个契机。

第8到10节,chit三节是呼吁所有以色列人民赶快「逃出巴比伦」,并且ài in「抢先逃离」。为tio̍h beh发动「北方列强,联合起来,攻打巴比伦」,而且会「攻落」,hō͘巴比伦束手无策。

第11到13节,chit节讲上帝指责巴比伦人「侵夺了」他ê「国家」,chit-ê意思是teh指上帝子民以色列民族所建立ê包括以色列kah犹大。M̄-koh巴比伦认为家己真行,真有能力,iáu为tio̍h án-ne而「狂欢」。M̄-bat谦卑,mā bē记得tio̍h走chhōe上帝ê旨意,因为án-ne,chit-má上帝惩罚巴比伦,hō͘伊「蒙羞受辱」,而且「沦为siōng弱小ê国家,成做干旱无水ê旷野」,换句话讲,巴比伦会变成别人欺负ê对象。

第14到16节,chit段经文讲出上帝已经发出命令,beh开始惩罚巴比伦,hō͘包围巴比伦ê联军以弓箭对准。chit-má上帝beh用巴比伦过去对待hiah-ê被伊phah败ê人ê方式来回报伊。

巴比伦人「怎样待别人,lín mā tio̍h照样待in」,chit句话mā反应了早期社会ê人际关系—以牙还牙、以眼还眼ê社会生活定律。出埃及记第廿一章24节、利未记第廿四章20节,以及申命记第十九章21节等等所在ê经文,lóng thang看tio̍h摩西律法规定ê「报复」行为。

「不beh hō͘ in掖种,mā不beh hō͘ in收割」,chit句话表示巴比伦受tio̍h惩罚性ê攻击结果,差不多是hō͘洗劫一空,成做废墟ê状态,因为即使khiā起tī城内,mā kā活活饿死,缺粮ê情景会非常严重,mā因为án-ne,ē-tàng逃亡ê「外侨」lóng离开。

第17到18节,chia用「狮」来表示列强如亚述kah巴比伦。然后讲tio̍h以色列民族ê历史境遇,就是亚述先tī主前721年「吞食」以色列,「续落来」是巴比伦王尼布甲尼撒tī主前586年「啃tio̍h」ê骨头,hō͘犹大mā被吞食殆尽。M̄-koh chit-má上帝beh用过去亚述帝国被灭亡ê方式,「照样」来对待巴比伦帝国,消灭它。

第19到20节,chit两节讲出上帝beh带领以色列人民tńg来到in ê「故土」迦南地,chit种预言一再出现tī先知ê文献中。先知耶利米bat提起以色列人民经过巴比伦帝国统治「七十年」后,会得tio̍h释放回乡(参考廿五:12)。

主前538年,当波斯帝国消灭巴比伦帝国了后,塞鲁士皇帝就下令释放统治区内所有以色列人民tńg去故乡去重建家园。

Chia提起「迦密山」,这是设tī地中海附近ê一座山,mā是水气非常充沛ê山,因为án-ne,号名「迦密」,意思是teh指「肥」ê意思。

「巴珊」,这是tī约旦河以东ê所在。以西结书第廿七章6节讲chia出产出名ê「橡树」,而tī第三十九章19节则讲巴珊以出产肥牛出名。

「以法莲」,这是巴勒斯坦中部地区,以青翠草原,非常适合放顾羊、牛出名。

「基列」,这是用有肥ê土地,有丰富ê草原地区而出名。Tī民数记三十二章1节提起雅各ê大kiáⁿ吕便被分配到chit块土地,thang安心放牧cheng-seⁿ,因为草原广大使吕便支派想争取tī chia定居生活。

当上帝beh带领以色列人民tńg去故土ê时chūn,mā就是以色列人民身上ê罪过已经lóng被上帝赦免、赦免(参考以赛亚书四十:1)。

重新查询 专卷研经 耶利米书系列
错误回报,请联系