Chit段经文是有关惩罚大马士革ê记事，mā记载tī以赛亚书第十七章1到3节；阿摩司书第一章3到5节等等。

大马士革是叙利亚ê首都，mā是当时中东ê交通要塞，mā是叙利亚ê商业大城之一。

Chit段经文比较khah困扰ê是：无说明为甚么上帝beh惩罚大马士革，圣经tī chit方面提供ê资料mā缺乏。照犹太史学家约瑟夫（Flavius Joseh pus）ê看法，巴比伦帝国ê军队是tī主前605年tùi埃及进入叙利亚。

第23到24节，「哈马kah亚珥拔」，chit两个城市lóng是设tī大马士革ê北部，是大马士革北部ê边防重镇。主前第738年，就已经被亚述帝国攻陷（参考以赛亚书十：9、三十六：19、三十七：13）。当这两座城陷落tī亚述帝国手中了后，大马士革续落来tī主前731年沦陷（参考列王记下十六：9）。因为án-ne，当chit两个城镇ê人民感觉「操心不安」ê时chūn，mā tú好说明攻击ê势力是来自北方ê巴比伦帝国军队。因为这两座防卫城市陷落，进一步koh hō͘大马士革城内ê居民因为án-ne就「失去勇气，转身逃走」。先知耶利米mā是用「产妇阵痛，操心痛苦到极点」来形容大马士革人民痛苦ê款。Chit种以产妇临盆ê痛苦来形容性命ê苦难，mā是先知文献ê特色之一（参考以赛亚书十三：8、廿六：17，耶利米书四：31、六：24、四十九：22）。

第25到27节，chit三节说明上帝已经决意beh严惩大马士革，mā会因为án-ne hō͘过去非常繁荣ê chit-ê城市，转眼间就变成「荒凉」无人khiā起ê所在。M̄-nā án-ne，当巴比伦军队攻入大马士革后，用伊惯有ê残酷手段，m̄-nā用「火烧大马士革ê城墙」，mā会摧毁叙利亚王ê「堡垒」，而且koh khah惨ê是刣尽了所有ê「少年人」kah「战士」。就算少年人四界bih起来，无论是tī「大街」上，á是tī「小巷」中，lóng无法度佳哉免得。