耶利米书 39章1节 到 39章18节   背景资料  上一笔  下一笔
Chit章thang参考列王记下第廿五章1到7节。

Kui章谈及有关耶路撒冷被毁,犹大国灭亡ê记事。Chit章ê记事kah第五十二章ê记事内容相差不多。Chit章mā记载西底家王逃脱ê过程,以及受掠ê经过,包括伊被送到巴比伦王尼布甲尼撒面前受审、惩罚,kah伊ê家族被杀害ê经过。除了这以外,chit章mā记载巴比伦军队元帅释放先知耶利米,并且记载tī这chìn前,先知耶利米bat传达信息hō͘为伊向西底家王求情ê以伯・米勒,讲伊会因为保护先知而得tio̍h上帝保护ê恩典,免tī被掠到巴比伦去。

Koh讲,chit章mā记载先知耶利米被巴比伦王尼布甲尼撒下命令释放ê记事,m̄-koh这kah第四十章1到6节ê记载有真大ê出入;tī chia ê记载是:当耶路撒冷城沦陷ê时,巴比伦王尼布甲尼撒随时下令释放先知耶利米,并且吩咐人tio̍h好款待伊,kā伊交hō͘亚希甘ê kiáⁿ基大利,带先知耶利米tńg来到同胞中间khiā起。Á tī第四十章1到6节是记载先知耶利米mā tī被俘虏ê人群中,直到人群行到「拉玛」ê时chūn,尼布撒拉旦元帅chiah hō͘先知耶利米自由选择去路,看是beh跟tòe in去巴比伦,á是想beh tńg来到家己ê故乡,而且iáu送伊真chē礼物、粮食。先知耶利米选择tńg来到家己ê同胞中,kah hiah-ê残存ê老弱、sàn-chhiah ê人民做伙。

会有chit两种无仝ê记载,真可能是因为传承落来资料有差异致使ê结果,有kóa圣经学者认为第四十章ê资料乃是后来补上去ê,主要是想说明耶路撒冷城ê沦陷是出tī上帝旨意,m̄-koh上帝无bē记得他ê忠实奴仆。

第1到2节,「西底家作犹大王ê第九年十月」,mā就是十月10日(参考列王记下廿五:1,耶利米书五十二:4,以西结书廿四:1—2),chit-ê时间mā是主前588年1月15日。Tī chit工,巴比伦ê「大军进攻耶路撒冷」。

「第十一年四月九日,耶路撒冷城强被攻破了」,chit工应该就是tī主前586年7月18日(参考列王记下廿五:2—3,耶利米书五十二:5—6)。后来伊tī先知撒迦利亚时代,被掠到巴比伦去做奴隶ê以色列人民kā chit工列为禁食日(参考撒迦利亚书八:19)。

耶路撒冷城沦陷,距离北国以色列tī主前721年被亚述帝国消灭ê时,tú好是一百三十五年。Tī这长到一百三十五年ê时间里,犹大国显然无tùi北国以色列灭亡ê惨剧学tio̍h教示,非常可惜。

第3节,「耶路撒冷沦陷ê时,巴比伦王所有ê将领lóng到中央门,tī hia开庭」,这mā是战胜国会对战败国ê主要将领、社会领袖进行审判,这就是现代所谓ê审判战犯。这「中央门」的确实位置已经无法度thang考。真可能是分隔锡安山ê营楼kah下城ê城墙间。Mā有讲是列王记下第十四章13节所讲tī耶路撒冷城北面ê「以法莲门」。出席ê巴比伦将领包括有「尼甲・沙利薛」,chit-ê名ê意思是「尼甲保护王」,若án-ne,这可能是侍卫长。M̄-koh另外一位同名者是甚么人,就m̄知了。Iáu有「三甲・尼波」,这字可能是官职,却m̄是人名。Iáu有一位可能是负责外交事务ê「掖西金」。

第4到7节,chit段经文thang参考列王记下第廿五章4到7节,耶利米书第五十二章7到11节。

Chia讲述巴比伦军队怎样掠到正tī逃亡中ê犹大西底家王kah伊ê臣仆,以及怎样对待西底家王ê厝内人。西底家王受tio̍h非常残酷ê对待,m̄-nā家己ê「两只目睭被挖出来」,而且伊ê gín-á以及「犹大所有贵族」,mā lóng tī伊ê「目睭前」被活活刣死,然后伊koh被用「链á锁tiâu」,「带到巴比伦去」,人生ê结局真正是一场悲剧。

第8到10节,thang参考列王记下第廿五章8到12节,耶利米书第五十二章12到16节。

「巴比伦人放火烧了王宫kah民房,拆毁耶路撒冷ê城墙」,照列王记下第廿五章9到10节ê记载,是「尼布撒拉旦」下ê命令ài军队做ê。伊m̄-nā下令放火烧毁圣殿、王宫,kah一切耶路撒冷达官贵人ê房屋,mā拆毁了耶路撒冷ê城墙。列王记ê作者teh描述chit位指挥官下命令放火烧毁圣殿chìn前,kā圣殿所有一切贵重ê器物lóng尽可能搜刮,不存留任何值钱ê物件(参考列王记下廿五:13—17)。然后是「Kā hiah-ê siōng穷苦、无财产ê人留tī犹大,kā葡萄园kah田地分hō͘ in」,chiah-ê人可能就是lóng无能力叛乱、反抗ê人民,hō͘ in自生自灭。

第11到12节,「巴比伦王尼布甲尼撒命令」伊ê元帅beh kā先知「耶利米chhōe来,好好á待伊,bē-tàng伤害伊」,这表示巴比伦王bat听过有关先知耶利米ê事。Chit对照犹大西底家身边ê大官宦臣动辄kā先知耶利米关入牢狱,侮辱伊,差不多是完全颠倒ê方式。

第13到14节,就án-ne先知耶利米被巴比伦官员kā伊「tùi王宫ê监狱里」释放出来。伊会hō͘释放ê原因可能是当巴比伦军队开入城内ê时,就tùi城妇人人民听tio̍h关系先知耶利米ê消息,当时社会所疏忽ê siōng sàn-chhiah ê人民所讲ê传到巴比伦王尼布甲尼撒耳中,因为án-ne,巴比伦王就下令kā先知耶利米释放,并且认为chit种先知应该hō͘ in尊崇。并且kā伊「交hō͘沙番ê孙á,亚希甘ê kiáⁿ基大利」,这亚希甘bat担任约西亚王时代ê宫廷大臣(参考列王记下廿二:12),而伊ê kiáⁿ基大利则被巴比伦王任命为犹大省长(参考耶利米书四十:5)。M̄-koh后来伊被犹大以色列人民中一kóa激进派份子hō͘暗刣死(参考耶利米书四十一:2)。为tio̍h án-ne,先知撒迦利亚时代,以色列人民特别tī每年七月作为禁食日(参考撒迦利亚书八:19)。

先知耶利米被「安排tńg去厝里」,伊决定「tńg去,tòa tī同胞中间」,伊chit种选择真特别,因为若是伊选择去巴比伦,应该会受tio̍h巴比伦王尼布甲尼撒ê礼遇,m̄-koh伊无án-ne做,因为真正需要帮助ê m̄是chit群被俘虏到巴比伦去ê菁英,却是残存留落来ê老弱穷苦同胞,in已经一无所有,无任何技术、显赫ê教育背景、知识,而且身躯ê健康状况必定真差,面临ê是瘟疫、iau饿,是siōng需要鼓励ê一阵人,因为in tī国家沦陷chìn前,就bat被hiah-ê达官显要剥削到oh得生活,所以先知耶利米决定留落来陪伴in。

第15到18节,chit段经文是tī先知耶利米「iáu被关tī王宫监狱ê时chūn」,回应以伯・米勒保护伊ê记事。若是kā chit段记事续接tī第三十八章13节后面,会比较khah畅顺。先知耶利米对以伯・米勒传达信息,讲上帝beh tńg来报伊,因为伊救助先知耶利米免遭杀害,因为án-ne,耶路撒冷城沦陷ê时,上帝会救伊kah伊ê厝内人ê性命免受tio̍h巴比伦军队杀害。

    Koh讲,chit段经文mā提起耶路撒冷城bē koh再有过去hit种繁荣ê景象。

重新查询 专卷研经 耶利米书系列
错误回报,请联系