Chit章共计有五段警语，一是第1到11节ê腰带譬喻；二是第12到14节ê酒缸譬喻；三是第15到17节ê警告以色列人民狂傲m̄听上帝信息会招致ê灾祸；四是第18到19节ê犹大国teh beh面临灭亡ê危机；五是第20到27节ê犹大以色列人民kā遭遇灾难。

tī先知文献中，不时会看tio̍h in用诗歌表达心中ê感受，á是传达上帝hō͘ in ê信息，另外iáu有一个特色，就是ài用譬喻，á是用讲故事ê方式，来传达上帝ê信息。目的就是beh hō͘听tio̍h ê hiah-ê人知影伊所beh传达ê信息，并留落来深刻ê印象。

Chit段经文是chit章经文ê第一个譬喻，是用一条麻纱腰带作题材。这mā是伊第一pái用chit种方式来传达上帝ê信息hō͘ tī犹大ê以色列人民。

第1到5节，上帝ài先知耶利米「去买一条麻纱腰带束腰」，chit种麻纱是先知衫裤ê布料，mā是所有众祭司所穿衫ê布料（参考出埃及记廿八：39）。Chia iáu讲beh先知耶利米「m̄-thang kā它浸tī水里」，意思就是m̄-thang洗，án-ne就ē-tàng hō͘人比较khah容易看出lah-sap ê所在tī tó位。M̄-koh mā有另外一个意思，就是这带本来就真清气，无甚么问题，无需要特别清洗。就án-ne先知耶利米听从上帝ê话去买。而且买来了后，带去「幼发拉底河」，然后kā「腰带藏tī石洞内」。Chiah-ê石洞原本是in用来bih起来拜偶像ê所在（参考耶利米书十六：16—17）。这是teh象徵神圣记号ê祭司腰带，藏tī chit种拜偶像ê所在，真清楚，表明这是teh污秽上帝ê神圣，mā表示in对上帝ê信仰已经败坏ê意思。

第6到7节，「过些时chūn」，先知耶利米听从上帝ê指示tńg去the̍h hit条腰带ê时chūn，却发见带「破烂不堪，koh khah án怎都无法度用了」。Chia ê「破烂不堪」所beh表明ê是腐烂到极点。用chit种方式teh象徵以色列人民ê罪恶ná亲像chit种腐烂、败坏。

第8到11节，chit段经文讲出上帝决定ài beh进行ê惩罚，就是beh摧毁并破坏「犹大kah耶路撒冷所夸耀ê辉煌成就」。理由真简单，因为in「m̄肯听从」上帝ê「命令」，去「膜拜服事别ê神明」，ná亲像hit条已经腐烂不堪ê腰带仝款。