Tī chit章经文中一再强调一个重要ê观念：如果一个人有信，却无落实在实际ê生活，hit种并m̄是正确ê信。作者并无用真艰涩ê语言á是真oh bat ê神学论述信kah行动之间ê关系。伊用现实社会ê各种生活看会tio̍h ê事做例讨论，chit点是非常珍贵ê。Tùi chia mā thang明白，雅各书ê作者其实就是beh kā所有ê信徒讲，信仰并m̄是停留tī语言á是文字ê游戏，却是真实ê生活境遇。作者强调：生活，就是teh见证所信ê上帝。因为宗教信仰siōng忌讳ê一件事，就是谈论多，实践少。真实ê宗教信仰并m̄是停留tī思想ê层面，而是beh确实付诸行动。

	因为有真chē基督徒是用实际ê行动kā实践上帝tī耶稣基督内面ê疼，chiah因为án-ne kā福音带到世界各地去。Thang án-ne讲，雅各书对真chē基督徒确实有真大ê鼓舞作用，因为tùichit-ê书信hō͘真chē有理想ê信徒，愿意遵行圣经ê教示，以实际行动tī生活中表达对上帝ê信。

    M̄-koh因为chit章ê观点，引起一kóa讨论，认为雅各书作者是teh反对使徒保罗ê「独独信」chit种观点。其实并无然，却是雅各书写作ê时代已经是主后六○年代，当时已经有第二代信徒，而且面临迫害来到，in中间开始有人m̄敢暴露出信徒ê身分等，chiah-ê lóng是作者想beh提出来表白ê理念：如成（chiâⁿ）实信耶稣基督，就beh用行动见证。

    Chit段经文是雅各书中第一pái真具体提起信仰siōng重要ê中心，就是用实际行动来说明。作者用真务实ê行动，清楚ê言语来说明信仰ê准则，包括bē-tàng对富人kah对sàn-chhiah者有接待ê差别，mā提醒信徒tio̍h完全遵守诫命。
    第1节，开始就讲基督徒「bē-tàng凭人ê外表，用无仝ê态度对待人」。Chit种信仰准则m̄-nā是用tī教会团契生活中，mā应该是用tī社会生活中。为甚么雅各书作者会án-ne写？因为早期教会中发生犹太基督徒kah外邦基督徒之间ê隔阂，m̄-nā无法度同齐食饭（参考加拉太书二：12—13），koh khah免讲彼此互相关心ê实际行动出现。雅各书ê作者是一个犹太人，tī「大家lóng是一家人」chit-ê基础上，伊提倡chit-ê观念「bē-tàng凭人ê外表，用无仝ê态度对待人」，意思mā是teh ǹg「所有ê人tī上帝面前lóng仝款ê」之信仰基础论述。

第2到4节，作者tī chia以一个贫富强烈ê对比来说明基督徒如何在生活中实际见证信仰。注意chia特别提起「来到lín聚会ê所在」，表示到教会。Chit时，有钱人是「手戴金手指、身穿华丽衫裤」。Chia会特别强调是「戴金手指」，表示伊ê财富真chē。因为tī第一世纪，黄金是非常稀有ê金属，只有富贵家族chiah有能力戴「金手指」。Á「华丽ê衫裤」，意思是teh指真耀眼、闪亮、光彩ê衫裤，容易引起人注目、赞叹ê衣饰。相对ê是「sàn-chhiah人」，in是「穿插破烂」。作者所beh表达ê是基督徒对这无仝ê人lóng tio̍h一视同仁。Bē-tàng对有钱人特别细jī，á是藐视、随意对待hit-ê sàn-chhiah ná流浪汉ê人，又koh是bē-tàng「偏心」，「恶意歧视人」。

第5节，作者讲「上帝拣选世间ê sàn-chhiah人，hō͘ in tī信心上富足」，其实mā thang tùi chit节经文来理解，tī早期教会中，富有ê信徒并无chē，大部分lóng是sàn-chhiah而被社会所藐视ê人，m̄-koh in来到教会得tio̍h真大ê鼓励，因为教会愿意接纳in，hō͘ in tī性命中得tio̍h极大ê鼓励。以西结书第十六章3到14节记载，先知提起当年上帝会拣选以色列民族，并m̄是因为in富有、壮大，却是因为in ná亲像弃婴，一无所有。In chit-má所有ê一切，lóng是上帝hō͘ in ê（另thang参考申命记七：7—8）。雅各书ê作者主要提供一个明确观念：m̄是因为咱有甚么好ê条件chiah引起上帝关注、拣选，却是因为上帝ê疼，拣选咱chiah-ê一无所有、卑微ê人。

第6到7节，tú好kah第5节相对；Tī chit两节经文中，作者提醒chiah-ê因hō͘ 上帝拣选而得tio̍h富足ê人，却bē记得家己过去原本就是sàn-chhiah，taⁿ反tńg来欺负sàn-chhiah人。Tùi chit两节经文thang看tio̍h早期教会已经出现ê问题，就是有kóa信徒tī家己富有后，tńg来过头来看bē起hiah-ê sàn-chhiah ê兄弟姊妹，chit点是作者无法度容忍ê。

第8节，「爱人如己」，这是摩西律法上非常重要ê规定（参考利未记十九：18），雅各书作者讲这是「新国度ê法则」。Tī耶稣基督ê教示中，kā它列为kah「疼上帝」同等重要（参考路加福音十：27—28）。伊讲这是hō͘门徒ê新命令（参考约翰福音十三：34），而使徒保罗mā讲：「因为全部律法lóng包含tī「疼厝边亲像家己」chit 条诫命内面。(全民版)」（加拉太书五：14）

第9到10节，这是teh回应第1节所提起ê，有人以外表对待人，特别是对hiah-ê有钱人ê态度真温柔，却用鄙视（siùⁿ）ê态度对待sàn-chhiah ê人，作者认为chit种态度是违背圣经ê教示，ná亲像犯罪仝款严重，逃离不了上帝ê审判。第10节mā thang参考马太福音第五章19节，耶稣基督ê教导。
第11节，作者强调所有诫命ê整体性，是bē-tàng分割ê。作者会án-ne强调律法ê整体性观念，犯任何律法上ê罪过，lóng是等于伤害了别人，就是无遵行律法、诫命仝款，lóng是对上帝ê一种侮辱。

第12到13节，作者表明一个重要ê信仰观念：爱是一切律法ê根基。因为án-ne，无论是讲话，á是做tāi-chì，lóng一定tio̍h用疼做出发点开始。作者提醒所有ê信徒一定tio̍h明白：若对别人无怜悯ê心，就不beh期待得tio̍h上帝ê怜悯（参考马太福音六：14—15）。第13节ê「仁慈是赢过审判ê」chit句话，指ê是：若是无上帝ê慈爱，人tī审判中就被定罪à。因为有上帝ê疼，人即使犯罪，上帝iáu是会赦免、怜悯。Koh讲，chit句话mā thang当做：会怜悯人ê人，chiah会得tio̍h上帝ê怜悯。