以赛亚书 52章1节 到 52章12节   背景资料  上一笔  下一笔
Chit段经文是继续前段第五十一章17到23节有关耶路撒冷kā得tio̍h上帝拯救ê信息。先知以赛亚传出ê信息非常清楚,伊讲上帝已经施展他大能ê手,beh拯救以色列人民脱离一切捆缚,beh hō͘ in平安而且不需付出任何代价,就ē-tàng顺利tńg去故乡耶路撒冷。

然后tī第7到12节是一首o-ló歌颂上帝ê诗歌,主要teh歌颂上帝来到圣城耶路撒冷掌权。后来,chit种诗歌变成国王登基ê时,圣殿诗班所颂赞ê诗歌。

第1到2节,chia一开始就讲上帝ê子民teh-beh「moa荣美ê衫裤」,而且「异族ê人无koh任意」地进入in ê「城门」,这因为上帝伸手救助他ê子民,beh hō͘他ê子民tùi被践踏ná亲像「土粉」中koh一pái khiā起来,koh khah特别ê是hō͘ in登上上帝荣耀ê「宝座」,无人敢koh再轻视in。

第3节,这是一节相对句。In是hō͘俘掳而贱卖到外国去,所以无资格kah俘掳in ê人谈任何筹码。chit-má上帝拯救in,mā是特殊ê恩典,既然是恩典,就无法度用任何代价thang换来得tio̍h,因为这是白白ê恩典。

第4到5节,chit两节真简短ê叙述了以色列人ê历史。Chia讲以色列人民「到埃及去寄居是自愿去」,chit句话thang参考创世记第四十六章1到27节。当年以色列人是为tio̍h避开迦南地严重饥荒,koh因约瑟tī埃及做宰相,thang庇护雅各家族bē因饥荒受tio̍h死亡ê威胁。因为án-ne,雅各举家迁徙到埃及去。Á chit句「亚述人用武力kā lín掠去」,thang参考列王记下第十七章5到6节,是teh指主前721年,北国以色列被亚述帝国灭亡,人民受掠送到各地贩卖为奴。chit-má是「巴比伦发生仝款ê事」,这是teh指主前586年,巴比伦帝国消灭了南国犹大,kā人民掠去巴比伦做奴隶。无论是亚述á是巴比伦,in lóng是因为战败hông掠去做奴隶,根本就无自主权。无论是亚述á是巴比伦lóng仝款,in lóng是「统治者」,in lóng「心高气傲」,而且「不断来蔑视」上帝,这mā是上帝beh出手惩罚in ê原因。

第6节,「有一工」,意思是teh指以色列人被巴比伦释放ê hit一工。上帝beh koh一pái kah他ê子民立约。

第7到8节,tùi chit节开始到第12节,是一首o-ló歌颂上帝ê诗歌。

Chia讲有以前线走tńg来报信ê人,伊「爬山jú岭而来」,主要目的是beh传捷报,是「好消息」,thang hō͘后面ê人民ē-tàng安心,而且用欢喜ê心情庆贺。因为战争「得胜」了,上帝是得胜者,他beh重新「掌权」。因为走来报这好消息ê人一传开chit-ê消息,所有「城上ê守望者」,一听tio̍h就「高声」呼喊并「同齐欢呼」。

第9到10节,上帝既然出手救赎他ê子民,chit种「神圣ê气力」必定会震撼所有看见ê人,mā清楚知影无任何国家、军队、君王有力量ē-tàng阻挡上帝chit种决定。

第11节,因为波斯帝国ê塞鲁士皇帝下令,beh kā巴比伦帝国kā一切in tùi耶路撒冷圣殿掠夺ê圣器,全部交iáu hō͘以色列人民,并且释放以色列人民tńg来故乡。此外,伊iáu一定tio̍h赠送大笔金钱hō͘以色列人民,作为in重建圣殿ê路用(参考以斯拉记第一章)。Á chiah-ê属tī圣殿用ê器皿lóng是「圣物」,因为án-ne,就一定tio̍h tùi利未人小心地kā它「保持洁净」,免得玷污了圣物ê圣洁。

第12节,chit节强调以色列人民回乡,并m̄是亲像奴隶逃脱仝款是「匆忙奔逃」,颠倒ê,in是非常有尊严ê离开巴比伦,因为有上帝亲自在「头前领导」in离开被奴役之地。M̄-nā án-ne,上帝mā tio̍h tùi「后面保护」in,hō͘ in前后lóng真安全,无人敢来攻击、掠夺in。这就类似出埃及ê时ê景况(参考出埃及记十三:20—22、十四:19)。

重新查询 专卷研经 以赛亚书系列
错误回报,请联系