Chit段经文记载先知以赛亚传出ê信息，认为南国犹大ê首都耶路撒冷城会hō͘毁灭，是因为上帝对以色列人民受气所带来ê惩罚。

第17到18节，一开始先知就呼喊「耶路撒冷ah，醒起来pah」，chit-ê词tú好kah头前一再出现ê「注意听」、「注意听」相对应。表示以色列人民若是有注意听上帝ê话，就会醒悟过来，无koh继续沈迷tī罪恶中。续落来讲上帝惩罚犹大人民ê方式ná亲像kā in赐福lim了「烈酒」仝款，hō͘ in无法度挺直khiā立，全身「摇摇晃晃」bē稳定，最后是醉倒落去躺tī土脚，只有ē-tàng任人宰割。Kui个国家chhōe bē-tio̍h真正ē-tàng「领导」、「牵引」ê人，结果kan-taⁿ会行向灭亡。

第19到20节，chit两节真清楚指出耶路撒冷被毁，人民受掠ê情景。Iáu大将会面临ê「双重灾难」，lóng是因为战争所引起。M̄-nā土地被践踏mā因为án-ne hō͘食物严重缺乏，iau饿ê人「tī街头巷尾昏倒」，这一切lóng是因为「上主ê忿怒」带来惩罚ê结果。

第21节，chia讲犹大国ê以色列人民会「受苦」，是因为「上主惩罚」ê缘故。

第22到23节，chit两节讲上帝beh做出新ê决定，就是beh拯救他ê子民脱离被压迫ê苦难。上帝采取ê行动，就是beh hō͘ in「摇晃ê杯挪去」，这杯是上帝「受气ê时chūn」惩罚他子民所装烈酒ê「杯」，tùi taⁿ以后in「用不着koh再lim了」，因为上帝赦免了in。续落来上帝beh kā chit烈酒ê杯转移「hō͘ hiah-ê」趁机会欺负hō͘上帝惩罚ê以色列人ê强势者，in所做ê超出上帝所允准ê范围，无照上帝选召ê旨意，甚至擅做主张过度压榨以色列人民，就是teh指巴比伦帝国，上帝决定kā chit苦杯换kā in赐福lim。