以赛亚书 4章1节 到 4章6节   背景资料  上一笔  下一笔
Tī头前已经提起过ê,第四章2到6节是kah第二章2到5节、第九章1到7节等等三段经文,是第二到十二章中三篇属tī美好信息ê预言,先知讲出上帝beh hō͘ in犹大人民一个新ê ǹg望—上帝ê拯救。这拯救所带来ê,是一个全新ê性命,m̄-nā是犹大人民,耶路撒冷城mā kā koh一pái成做闪耀ê城市,是万民共同敬拜、歌颂上帝ê所在。

而tio̍h注意ê是,chit种全新性命是彻底洗荡心灵ê污秽了后chiah会产生,ná亲像当年出埃及进入旷野,经过四十年彻底洗荡了后,才能hō͘以色列人民以一个全新ê性命生活tī上帝所应允ê土地—迦南地。Koh讲,chit章经文tú好kah前一章所讲ê完全颠倒,mā thang讲,tī上帝ê严厉惩罚了后,他ê恩典koh一pái施tī他ê子民身上,因为in teh经历过严厉惩罚ê苦难了后,已经有忏悔、认罪ê心,koh一pái tńg来到上帝ê面前。

第1节,chit节若并tī第三章26节后面来读会比较khah顺。

Chia讲tī上帝审判日子来临ê时,「七个cha-bó͘人beh giú-tiâu一个cha-po͘人」,表示大多数ê cha-po͘人已经战死战场(参考第25节),寡妇chē到无法度生存,in为求ē-tàng生存落去,只好共同óa靠一个cha-po͘人。Chia所讲ê「嫁bē出去ê侮辱」,有一个含意是teh指因战争遇tio̍h敌军ê强暴致使有娠,因为án-ne,一定tio̍h赶紧chhōe-tio̍h婚姻ê对象,thang hō͘生落来ê kiáⁿ,bē致使成做孤儿。Cha-bó͘人成做寡妇已经真可怜了,若koh再hō͘子女成做孤儿,性命koh khah悲惨。

第2到6节,这是一首希望ê诗歌。

Tùi第二章开始,就一再出现「时chūn快到」Chit-ê词,表示上帝审判时刻一定会来到。每pái谈起上帝审判来临,通常lóng有两种意义:一表示对违背上帝旨意ê人,kā进行严厉ê惩罚。二是对hiah-ê坚守kah上帝之约ê子民,上帝ê恩典kā是丰富满溢。

Chit首诗歌讲过去上帝忿怒ê时,所摧毁ê一切果园,taⁿ lóng kā重新发出新芽,而且生长茁壮,ē-tàng结出累累ê果子。Á存活落来ê子民,lóng是经过上帝挑选出来ê,chiah-ê子民lóng kā koh一pái被上帝看做是圣洁ê子民,kah过去大大无仝。M̄-nā án-ne,已经被摧毁而成废墟ê城市,特别是锡安ê耶路撒冷城,会重现过去ê荣耀,上帝beh kah chit-ê城同在,ná亲像当年上帝带领以色列人民ê祖先离开埃及进入旷野ê时仝款,「日时头tio̍h用云彩遮盖in,tī暗时,tio̍h用烟火照耀in」。

重新查询 专卷研经 以赛亚书系列
错误回报,请联系