以赛亚书 37章21节 到 37章38节   背景资料  上一笔  下一笔
Chit段经文是先知以赛亚传出上帝hō͘希西家王ê信息。样式ná亲像天顶开庭审理希西家王所投递ê控告亚述皇帝ê诉状,结果做出判决。上帝实现了他hō͘希西家王ê应允,mā就是上帝必定会伸手严厉惩罚亚述帝国ê军队以及亚述皇帝西拿基立。

第21节,先知以赛亚真清楚hō͘希西家王知影「上帝已经垂听」伊「控诉亚述皇帝」ê祈祷。

第22到23节,tùi段经文是上帝对希西家王ê祈祷(控告)ê回应,mā是上帝kā做出ê审判。Chia清楚讲出上帝beh严惩西拿基立,而惩罚ê方式包括hō͘西拿基立被讥笑、侮辱,原因是伊「看bē起」以色列神圣ê上帝,并且用真chē其他ê神明来kah上帝比并,这等于是teh侮辱上帝ê神圣。
第24到25节,chit两节讲出亚述大将夸耀西拿基立有jōa大ê本等,「征服了黎巴嫩ê siōng koân山峰」,mā「Kā埃及ê河流lóng踏干了」,意思真清楚是teh指上帝创造ê黎巴嫩高山,kah珍贵ê森林lóng无够额来hō͘亚述皇帝西拿基立对上帝生出敬畏ê心,而kui个中东地带看做siōng珍贵ê性命泉源尼罗河,mā被西拿基立军队hō͘堵住成干涸。Chiah-ê讲词lóng teh表示上帝ê创造无甚么了不起,chit种讲词等于是teh藐视上帝ê创造。

第26到27节,chit两节讲出亚述帝国过去ê威武无法度thang挡,并m̄是伊有甚么特别了不起,却是出tī上帝「早就计画好这一切」,tio̍h用伊来惩罚hiah-ê背逆上帝旨意ê人民。Á上帝ê惩罚,就是摧毁人所夸耀ê一切。

第28到29节,「你做甚么,gōa chē,我lóng知影」,chit句话说明chit位创造天地万物ê主宰,是无所不知、无所不在ê上帝(参考诗篇一三九:1—3)。Mā知影人心内ê意念,无论是m̄是有用行动表现出来,即使隐藏在内心深处mā是仝款。因为án-ne,上帝表示beh án-ne惩罚亚述,就是beh「用钩子穿过」亚述ê「鼻á」,ná亲像钓鱼仝款,表示已经被掠tiâu,会面临死亡。然后会用「嚼环套tòa」亚述ê「嘴」,这是勒tòa野马ê一种方式,用来驯服野性、狂奔野兽siōng好ê工具,hō͘伊听从主人驾驭ê指令。

第30到32节,chit段经文是上帝透过先知以赛亚回应希西家王ê话。上帝为tio̍h beh坚定希西家王ê信心,beh hō͘伊一个「预兆」,就是「今年明年」过了后ê「后年」,iáu大将会恢复本来ê一切景象,人民thang「掖种,收成」,食家己努力种作ê食物。Mā tio̍h hō͘「劫后余生」就是熬过chit段被围城ê艰困而且忠实守tiâu上帝ê话ê人,thang tī耶路撒冷安定khiā起、生活。

第33到35节,chit段话是上帝对亚述皇帝西拿基立kah亚述军队做出裁决。一是上帝会hō͘亚述军队无法度进入耶路撒冷城,甚至连包围mā无可能。因为上帝beh亲自庇护hit-ê城。

第36到37节,就án-ne上帝差派他ê「天使」进入亚述营中,刣死「十八万五千兵丁」,这就ná亲像上帝ê天使进入埃及别人中,所有头胎生ê,包括人kah cheng-seⁿ lóng刣死仝款(参考出埃及记十二:12、29)。当西拿基立看见死亡chiah-ni̍h惨重了后,只好班师回朝去。Ná亲像第29节、第34节所讲ê,tùi tó位来,就tùi tó位tńg去。

第38节,chit节简单ê记录了西拿基立hō͘家己ê kiáⁿ杀害ê经过。根据历史ê记载,西拿基立是tī主前681年,mā就是tī主前701年伊率兵攻击、包围耶路撒冷了后ê二十年,hō͘伊ê kiáⁿ杀害。

重新查询 专卷研经 以赛亚书系列
错误回报,请联系