何西阿书 2章1节 到 2章13节   背景资料  上一笔  下一笔
先知文献中siōng大ê特色是先有谴责,续落来了后就有拯救ê希望。先知何西阿一开始提起上帝beh伊去娶妓女歌蜜做bó͘,伊就顺从上帝ê话去娶伊做bó͘。并且后来连续kah bó͘歌蜜生三个kiáⁿ。上帝beh伊kā三个kiáⁿ号ê名来形容他kah以色列民族之间ê关系,chit三个kiáⁿ ê名是「耶斯列」表示上帝必定会报应;「罗・露哈玛」表示上帝无koh怜悯,kah「罗・阿米」,表示上帝kah以色列民族断绝了关系等。对先知何西阿来讲这确实是真大ê负担,m̄-koh伊却顺服了上帝ê旨意,何西阿书第二章kah第一章是真无仝款ê文体;第一章是以散文体写出来,第二章ê内容却是以诗歌ê形式写出(《现代中文译本》并无以诗歌ê方式编辑chit章经文,m̄-koh中文《和合本》kah《台语汉字版本》,以及《吕振中教授版本》则lóng是以诗歌ê文体编辑;m̄-koh天主教《思高圣经学会版本》kah《现代中文译本》、《台语罗马拼音版本》仝款)。头前有讲过,先知何西阿kā上帝kah以色列人民之间ê关系,以「夫妻」ê方式表达出来。先知以赛亚、耶利米mā lóng有chit种譬喻(参考以赛亚书五十四:5,耶利米书三十一:32)。因为án-ne,teh解释何西阿书ê经文内容ê时,tùi「夫妻」关系去看家庭问题,就会koh khah清楚先知何西阿chit本经册ê内容。

第1节,chit节是teh解释第一章11节提起ê复合带来ê性命意义完全改变;原本kah上帝之间ê关系是断绝ê,现在kā koh一pái复合。复合带来新ê关系kah意义,兄弟姊妹无koh分开,而且lóng是永远活ê上帝ê子民。因为上帝已经怜悯了in,kah以前无koh怜悯完全无仝。

Chit段诗歌中ē-tàng看出:当上帝ài先知何西阿娶妓女歌蜜做bó͘ mā生落来了三个kiáⁿ,m̄-koh歌蜜婚后并无检点,á是kah过去仝款,花枝招展地四界勾引cha-po͘人。因为án-ne,先知何西阿ài伊ê kiáⁿ去「劝告」in ê老母歌蜜。Chia所用ê「哀求」á是「劝」字,tī希伯来文有「控诉」á是「谴责」ê意思。真明显ê,chit段经文mā讲出先知何西阿用丈夫对淫荡ê bó͘做譬喻,形容上帝对tī以色列人民背叛行为ê审判。

第2节,chit节讲先知何西阿ài伊ê 众kiáⁿ去「哀求」老母,请伊m̄-thang koh再暴露肉体诱惑cha-po͘人。其实歌蜜ê名本身就带有「庙妓」ê意思,因为án-ne,伊可能就是参与了当时民间宗教祭典ê时,用穿插暴露ê方式勾引cha-po͘人kah伊行淫。

第3节,先知何西阿对kiáⁿ讲若是bó͘歌蜜mā就是gín-á ê老母,若á是m̄听劝勉,伊就准备ài「剥光」bó͘歌蜜身上ê衫裤,hō͘伊「裸露」全身而被众人侮辱。Chit节经文可能被后来ê先知以西结引用(参考以西结书廿三:10、十六:1—21)。意思是teh指上帝以后be7 koh怜悯以色列人民,beh hō͘ in Tī痛苦中死亡,「像旷野,像沙漠」面临无食物、饮水ê日子境遇仝款。

第4到5节,chit两节提起三个问题:一是老母犯罪ê行为已经hō͘ gín-á mā tòe堕落à。当先知何西阿ài伊ê众细kiáⁿ去劝老母歌蜜,in并无听从,因为in已经受tio̍h老母ê影响,无认为he是错误ê事。因为án-ne chia chiah讲「我不疼伊ê kiáⁿ,因为in是淫妇生ê」,意思是in已经认同老母ê行为。二是以色列人民ê观念是:个人ê行为kah团体之间ê关系是分bē开ê。一个人犯罪,可能会影响tio̍h整体人民ê安全。亲像:约书亚记第七章有关亚干犯罪ê事,致使kui个以色列人民受tio̍h惩罚。三是诱惑歌蜜去跟tòe ê,是chiah-ê属tī物质生活所需要ê物件,包括「食物、饮料、羊毛、衣料、橄榄油,和美酒」等等,chiah-ê lóng kah农产有关。这mā是以色列人民进入迦南地后,siōng快受tio̍h诱惑ê原因—追求物欲上ê满足。可能kah in过去tī旷野四十年不时tú-tio̍h缺水、食物有关。物质ê欲望真可能hō͘人心受tio̍h迷惑。耶稣基督ê山上宝训中,就提醒咱m̄-thang为tio̍h食、lim、穿ê事无闲、烦恼。应该先追求ê是上帝国度ê实现(参考马太福音六:28—34)。

第6到7节,用「刺phè做篱笆堵住伊ê去路」,刺phè是有刺ê草根植物,无小心tú-tio̍h ê时会疼痛。丈夫何西阿用刺phè做围墙,主要目的是hō͘ bó͘歌蜜一tú-tio̍h围墙就知影危险、疼痛而醒悟。Ē-sái讲是虽然有刺phè当做篱笆,有石头筑起来ê高墙,伊á是想出所有ê办法beh追逐伊ê「情郎」,结果á是追不上,因为人ê物欲永远bē满足。追到倦tah-tah了后,最后chiah想tio̍h beh tńg去过头来chhōe「前夫」,并且认为「以前ê光景比现在真chē了」。

第8节,chit节回应了第5节所提起淫荡ê bó͘歌蜜讲beh去chhōe情郎,并讲tī情郎hia thang得tio̍h「食物、饮料、羊毛、衣料、橄榄油,和美酒」等物。Chit节chia soah讲chiah-ê物件lóng m̄是情郎hō͘ ê,却是丈夫(指上帝)hō͘ ê。Chia指出bó͘歌蜜所有ê chiah-ê生活物件lóng是丈夫何西阿hō͘ ê,连伊身上挂戴ê金银mā是,m̄-koh淫荡ê bó͘歌蜜却kā chiah-ê物件lóng the̍h去献hō͘她 ê情郎。

第9到13节,Tī chit段经文中,丈夫何西阿决定下列用几个动作回应淫荡bó͘歌蜜ê弃sak行为:
一是过去hō͘ in ê,taⁿ lóng无koh hō͘伊。这表示上帝会hō͘以色列人民ê农作物欠收。先知耶利米认为上帝惩罚ê方式就是:战争、饥荒、瘟疫等(参考耶利米书十四:12、十八:21、廿一:7、9、廿九:17—18、三十四:17)。其实,chit三项惩罚lóng thang归纳成一种,就是战争。

二是当tio̍h情郎ê面侮辱伊,就是剥光伊身上ê衣物。这mā是siōng难堪ê一种惩罚,特别对tī ná陷入爱情ê人来讲,这明明是无法度接受ê耻辱。古早人认为hō͘人剥光衣物是一件非常见笑ê事。

三是beh hō͘以色列人民无法度koh过正常ê宗教生活。一个国家、社会之所以ē-tàng安定,宗教生活是非常重要ê。

四是sàn-chhiah。咱知影以色列人民siōng大宗ê农产品就是葡萄。Kah无花果mā是象徵chit-ê民族ê果子树之一(另外两种是橄榄kah石榴)。Taⁿ上帝讲beh「phut掉」chiah-ê果子树,并且hō͘ chiah-ê果园荒废。这清楚讲出in会就án-ne陷入sàn-chhiah ê生活惨状,m̄-nā无法度tī宗教生活上献祭,连基本生活ê需要mā kā成做负担。

以上是上帝所tio̍h用来惩罚以色列人民ê方法。Á tī第13节则做总结:上帝beh chhōe歌蜜「算帐」。这tú好回应了开始ê时chūn,先知何西阿奉命娶歌蜜做bó͘了后,生落来ê第一个kiáⁿ名叫「耶斯列」ê意思—上帝beh赶散。原因是in「忘掉」了上帝。

重新查询 专卷研经 何西阿书系列
错误回报,请联系