何西阿书 11章1节 到 11章11节   背景资料  上一笔  下一笔
Tī前一章记载上帝对以色列人民确实是真失望,因为in认为有坚强ê军事武力,就ē-tàng安然自在、高枕无忧。In认为只要有充沛ê经济能力,就m̄免惊饥荒ê来临;in认为只要有活跃ê外交关系,就ē-tàng hō͘国家m̄免koh再惊惶外敌ê侵袭,先知何西阿指出chit种想法是错误ê,因为真正性命ê主,是上帝。

主前第八世纪时代ê北国以色列,tī耶罗波安二世ê带领下,国势tú-teh tī巅峰ê状态下,先知何西阿却一再警告in沦亡ê日子已经jú来jú接近,而且真清楚警告以色列人民,in to̍h是会被敌人—亚述所统治,in会「tńg去埃及」去过众祖先所过ê凄惨经验,mā就是过痛苦ê奴隶生活。先知何西阿是teh提醒以色列人民,像in chit种态度,tú亲像早年祖先tī埃及ê情景仝款,不沦亡mā真困难,会落入敌人ê统治之下成做奴隶乃是水到渠成,一点mā无意外。
第1到4节,chit段经文是一首诗歌。

先知何西阿信息ê siōng大特色,就是kā上帝kah以色列人民之间ê关系,以「夫妇」ê关系来表达。Tī chit段诗歌中,m̄-nā kā上帝kah以色列人民以「夫妇」关系表达,mā用另外一种关系,就是「父子」ê亲情来说明,而且是特别说明chit种「父子」关系是远tùi以色列人民iáu teh埃及做奴隶ê时chūn,上帝kah以色列人民就已经有chit种亲密关系。

「tùi埃及带出来」,chit句话对每一个以色列人民来讲,ē-sái讲是非常熟悉ê事件,mā是以色列kui个民族非常惨痛ê历史经验,因为in祖先就是tī埃及当过奴隶,受tio̍h无情ê压迫,chiah呼叫上帝ê名,要求上帝拯救in(参考出埃及记二:23b—25)。M̄-koh chit位疼以色列人民ê「老父」(上帝)现在感觉非常地艰苦心,因为以色列人民「叛离」他,当他呼叫in tńg来ê时,in却jú行jú远,弃sak他去「向巴力献祭」,「向偶像烧香」。所谓「行路」,表示上帝亲自教导in知影甚么是该行ê路,甚么是安全thang行之道。甚至tī tú-tio̍h危险ê时,会用双手kā以色列人民抱tī家己ê胸怀,ná亲像老父抱tio̍h年轻ê gín-á仝款。当in beh行路ê时,上帝牵tio̍h in ê手,当in行thiám loh,就kā in抱在身上。M̄-koh上帝确实bat用「慈绳爱索」牵引tio̍h以色列人民。M̄-nā án-ne,iáu kā以色列人民抱在身上,kā in像婴á一般óa贴tī面颊上。甚至讲tio̍h上帝是「俯下身子,养饲in」,这真清楚讲出以色列民族tī出埃及入旷野ê经历,hō͘ in无因饥渴来死去。Taⁿ所有顶面所讲chiah-ê,以色列人民竟然全lóng否认。

第5节,真清楚看tio̍h上帝对以色列人民ê审判,就是hō͘亚述人phah败in,并且「统治in」。

第6到7节,清楚看tio̍h以色列亡国成做奴隶ê痛苦。「加tī颔颈上ê枷担」,这「枷担」表示一种性命ê锁枷、沉重ê负担,以前上帝kā in chit种「枷担」tùi埃及人手中解放落来,现在in kā tī亚述帝国ê统治下,koh一pái被套上去。
第8到9节,是另外一首诗歌。

假使咱tio̍h讲上帝有「矛盾」ê所在,chit两节经文thang看会tio̍h;因为当以色列人民背逆了他ê教示,甚至去拜偶像ê时,以上帝ê公义审判来讲,以色列人民是应该被判处死刑。M̄-koh tī chit两节却m̄是án-ne,上帝继续提起他对以色列人民有特殊ê疼,是无法度切割ê疼。这tú好表达了慈悲ê上帝ê特殊性(参考诗篇一○三:6—8)。

「因为我jōa-ni̍h-á疼lín」,chit句话thang用来参考约翰福音第三章16节所讲ê,上帝是「hiah-ni̍h疼世人」,甚至为tio̍h表达chit种爱,连伊ê独生爱子mā赐hō͘世人。Thang看出上帝对所有人是án-ne ê厚爱,已经远超出律法规定ê惩罚范围。

Chia mā提起「押玛」kah「洗扁」chit两所在,表示chit两个城犯罪ná亲像所多玛kah蛾摩拉仝款ê严重,lóng是属tī该毁灭ê城市。上帝讲伊不忍以对待所多玛城kah蛾摩拉城ê方式对待以色列人民,这就是讲上帝虽然对以色列人民弃sak他ê事真愤怒,m̄-koh á是心存怜悯,为tio̍h是beh希望以色列人民ē-tàng悔改归向他。

「我是上帝,m̄是世人」,chit句话显示出上帝特异性质,就是诗篇ê诗人所讲ê,人只有ē-tàng tī上帝脚下,m̄是上帝(参考诗篇三十六:5—7)。
第10到11节,看tio̍h上帝拯救ê恩典。他tio̍h用发出「吼叫」ê声音,表达是拯救以色列人民,而且是召集四散到各地去(chia用埃及kah亚述做代表)ê子民tńg来到他身边ê声音。Chia讲上帝beh「koh一pái」chhōa以色列人民tńg去in ê「家乡」,这就ná同「粉鸟」无论被带到chē远ê外地,只要一放开,它就会知影怎样飞tńg来家己ê鸟窝仝款。

Tńg去故乡,这是先知文献中siōng重要ê信息之一,被俘虏ê人thang得tio̍h释放tńg去故乡,无论是过去á是现在,这lóng是一则非常hō͘人振奋ê好消息。Á chit-ê信息tú好讲出了上帝无比ê疼。

重新查询 专卷研经 何西阿书系列
错误回报,请联系