创世记 39章1节 到 39章10节   背景资料  上一笔  下一笔
Chit章thang续接第三十七章36节,讲述约瑟受卖到埃及王ê侍卫长波提乏厝里做奴隶。chit章除了第4节b句、第6节是「以罗伊文献」ê作品外,其余lóng是属tī「耶和华文献」ê资料。

Chit章ê主题相当清楚,是teh说明一个重要ê信息:一个人如果有上帝同在,即使tī siōng危难ê时chūn,mā会得tio̍h上帝所赐ê智慧、能力,hō͘伊ē-tàng赢过重重灾难kah困难。

约瑟hō͘伊ê兄哥卖到埃及,真tú好卖到埃及王侍卫长波提乏ê家伙奴仆。

第2到3节,chit两节一再重复一句「上主kah约瑟同在」,表示即使tī hiah-ni̍h恶质ê境遇之下,上帝mā无离开过约瑟,tùi伊受卖做奴隶,一直到伊tī波提乏ê家伙奴仆,lóng陪伴tī伊身边。Mā因为有上帝ê同在,hō͘约瑟所做ê lóng ē-tàng「事事顺利」、「成功」。

第4到6节,因为有上帝赏赐ê能力,约瑟tī波提乏厝里lóng受重用,koh khah重要ê,只要kah约瑟相处做伙ê人,lóng会因为约瑟来蒙上帝赐福,chit点tú好kah亚伯拉罕蒙上帝拣选ê时,得tio̍h ê应允仝款。第6节ê chit句「约瑟体格健壮,iân-tâu飘撇」,表示这是上帝赏赐hō͘约瑟有特别ê恩典。

第7到10节,有上帝同在,并无表示lóng无诱惑。Ná亲像亚当kah夏娃khiā起tī伊甸园里,mā有奸巧ê蛇做诱惑者。波提乏ê bó͘就是一个诱惑者,一再想beh诱惑「勾引」约瑟kah伊同床。M̄-koh约瑟真清楚绝对无法度做chit种会「得罪上帝」ê事。这mā充分显示出约瑟ê心中有真chiok厚ê信仰基础。上帝是一个无所不在ê上帝,mā是鉴察人内心ê上帝。因为án-ne,约瑟bē tī暗中做上帝看做邪恶ê事。

重新查询 专卷研经 创世记系列
错误回报,请联系