使徒行传 27章13节 到 27章38节   背景资料  上一笔  下一笔
Chit段经文说明使徒保罗有圣神同在,伊所讲无适合继续航行是正确ê。第14节记载in ê船tú-tio̍h强烈ê「东北风」ê吹袭,船行真危险。为tio̍h安全起见,船顶ê货物kah器具lóng hiat-ka̍k à,连性命lóng tī危急中。

第23到24节,tùi chit两节看tio̍h使徒保罗koh koh再暗时遇tio̍h了天使对伊讲话。伊对所有船顶ê人讲,上帝必定会照顾大家安全来到目的地。M̄-koh会先「飘到一个岛上去」,这岛就是第廿八章1节所讲ê马耳他岛。Koh讲,上帝beh带领使徒保罗tī罗马皇帝面前做见证。Chit点真重要,因为tī当时,罗马皇帝被看做是神明一般teh供奉,使徒保罗beh去伊ê面前传讲耶稣koh活ê信息,hō͘罗马皇帝知影:真正性命ê主是上帝,m̄是罗马皇帝。真正力量是来自koh活ê耶稣,m̄是军事武力。

第27到32节,船顶水手想beh藉机逃走,被使徒保罗发见,伊向罗马军官kah众兵丁警告,若hō͘ chiah-ê水手逃走,大家lóng会无命。罗马军官kah兵丁chit pái听从使徒保罗意见,就kā救生艇ê缆绳砍断,hō͘ chiah-ê水手无机会家己逃命。因为in有责任保护船顶所有ê人ê安全。

第33到37节,tī he样危急中间,使徒保罗因为有圣神同在,一点mā不担心,chit时伊反而成做整艘船ê稳定力。伊用早期教会siōng宝贵ê信仰生活记号:分享爱筵chit种方式,来表达性命共同体ê信仰意义,并且是用「感谢上帝」ê心情分享爱筵。Hō͘船顶共计276人lóng ē-tàng食饱。

重新查询 专卷研经 使徒行传系列
错误回报,请联系