Tùi第1节开始一直到第21节，是使徒保罗第一pái自我告白，tùi伊出世到遇tio̍h koh活ê耶稣带hō͘伊性命改变。

第1到5节，是使徒保罗ê自我绍介。Siōng特别ê是伊用母语―希伯来语对大家讲话，hō͘众人感觉tio̍h使徒保罗kah-ná家己人仝款。

第3节，使徒保罗讲tio̍h家己ê身家资料背景；伊出世tī「基利家ê大数」，成长「tī耶路撒冷」，tī经学教师ê领袖「迦玛列门下受教」，而且受严格ê训练。迦玛列是犹太人出名ê经学教师，tī犹太人社会中非常有影响力（参考五：33—39），是经学教师两大门派中属tī自由派（to̍h是Hillel，另外有保守派是Shammai）ê领导者。

第4到5节，使徒保罗一屑á 都无畏讲家己bat用严厉手段迫害基督徒，搜捕到ê m̄是处死，就是kā它关tī监狱中。