绍介使徒保罗tī以弗所城传福音chìn前，作者路加tī chia先绍介亚波罗chit-ê人ê故事。后来，伊tī哥林多教会真有影响力。

「亚波罗」，伊是亚历山大人，有口才，对圣经认bat真丰富，而且受过非常ê训练，koh khah重要ê是伊「常常kā耶稣ê事正确ê向人讲解」。伊对早期ê教会确实有影响力，作者路加Tī chit段经文讲亚波罗mā是一个福音事工ê勇士。

第25节，m̄-koh亚波罗「只晓得有约翰ê洗礼」，tùi chit句话mā thang知影行洗礼约翰传「悔改ê洗礼」，对早期教会影响真大，虽然伊真早就往生，m̄-koh，伊所传ê福音一直深深刻画tī咱人ê心中。

第26节，百基拉kah亚居拉不愧是福音ê帮手，in夫妇帮助亚波罗koh khah清楚耶稣ê救恩。

第27到28节，亚波罗离开以弗所，转往亚该亚继续传福音，并且进入犹太人会堂传讲福音ê信息，mā kah犹太人公开辩论。