使徒行传 16章16节 到 16章40节   背景资料  上一笔  下一笔
Chit段经文hō͘咱看tio̍h每一个时代lóng会有人利用宗教信仰敛财ê事件发生。Tī腓立比chit-ê地方,就发生有人利用女婢被邪灵附身骗取钱财。作者路加描述使徒保罗tī医病、赶鬼ê能力上,kah彼得明明就是一模一样。腓利tī撒马利亚bat hō͘一个会行邪术ê「西门」归正受洗,后来chit位已经受洗ê「西门」,iáu ǹg望ē-tàng用钱买tio̍h彼得身上圣神ê能力,而被彼得诅咒(参考八:9—23)。chit-má使徒保罗hō͘一个女婢ê主人tùi án-ne无法度利用伊hō͘ 鬼附身行邪术骗取钱财。

第19到21节,这女婢ê主人因为看见失去钱财,就掠tiâu使徒保罗kah西拉去见官,控告in teh传另外一种新ê宗教,而这是罗马政府禁止ê行为。

第22到24节,结果群众无知,并无明察in被利用,连官府mā仝款,致使使徒保罗kah西拉被鞭phah,iáu被关入牢里。

第25到30节,使徒保罗kah西拉虽然是关tī监狱中,却iáu是充满tio̍h喜乐ê心,吟诗歌颂上帝。上帝用强烈ê地动,phah开监牢ê门房,看守ê警卫认为所有ê囚犯lóng逃离,án-ne伊mā必死无疑。因为án-ne,想beh自杀ê时,使徒保罗叫伊,hō͘伊知影in并无逃离。这hō͘警卫大大tio̍h惊,mā因为án-ne,问使徒保罗kah西拉,伊「该做甚么chiah ē-tàng得救」。

第31到34节,使徒保罗kah西拉对伊讲:「信主耶稣,你kah你一家人就会得救。」然后,使徒保罗kah西拉mā传福音hō͘这狱卒ê厝内人听,结果in全家lóng受了洗礼。并邀请in两位到in-tau去,同齐欢喜,因为in全家lóng受洗归属耶稣。

第35到40节,必定是因为圣神奇妙ê作为,hō͘罗马军官主动讲beh tháu放使徒保罗kah西拉。

第37节,使徒保罗第一pái公开家己是「罗马公民」。这tī当时是真有社会地位ê,mā受罗马律法特别ê保障。因为án-ne,hō͘鞭phah伊ê警官大大tio̍h惊,罗马官长只好亲自来赔罪「道歉」,然后请in离开hit-ê城。In就往吕底亚ê厝去。

因为án-ne,ē-tàng看出tī腓立比有成功ê福音事工成果,m̄-koh mā有受tio̍h迫害ê痛苦经历。

重新查询 专卷研经 使徒行传系列
错误回报,请联系