Chit段经文主要teh说明用残酷手段迫害基督徒ê希律，tī一pái聚会中忽然暴毙猝死。有关伊ê死，传说真chē，犹太人史学家约瑟夫（Joseph）讲是tī一pái记念罗马皇帝ê生日庆典，日头光照射到希律王所穿ê棉袍上，因为阳光反射，照得伊感觉非常ê不爽快，无jōa久就死去à。不过使徒行传ê作者路加soah讲是因为「天使」打击亚基帕王，伊因为án-ne来死。作者主要目的是teh强调：任何迫害基督徒ê统治者，lóng会受tio̍h上帝ê谴责。

第24节，chit节真有意思，虽然教会kah基督徒受tio̍h严厉而且残酷ê迫害，m̄-koh基督徒并无因为án-ne而减少，颠倒地，人数日渐增加、兴旺，「上帝ê道继续扩展，日见兴旺」。

第25节，巴拿巴kah扫罗tńg来耶路撒冷向大家报告in tī安提阿教会服事ê成果，离开ê时in mā带tio̍h约翰・马可同行。