帖撒罗尼迦后书 2章1节 到 2章17节   背景资料  上一笔  下一笔
Chit章开始就koh一pái讲tio̍h帖撒罗尼迦chit两本书信ê中心主题,就是有关耶稣基督koh再临ê问题。

第1到4节,tùi chit段经文thang看tio̍h帖撒罗尼迦教会mā tú-tio̍h有人假借末日来临ê信息,kā家己当做神明。耶稣基督bat告诫他ê门徒讲ê:「『Lín tio̍h 谨慎,m̄ -thang hō͘ 人 kā lín 迷惑。 6 有真 chē 人会利用我ê 名, 讲:『我是基督』, 来迷惑真chē 人。(全民版)」(马可福音十三:5—6)tī帖撒罗尼迦教会内iáu可能有人自称做上帝,chiah-ê人可能就是hiah-ê拒绝承认有上帝ê人,á是异教徒,in用自称是上帝ê方式,来讽刺基督徒ê信仰。

第5到8节,tī chit段经文中,使徒保罗提醒帖撒罗尼迦教会信徒注意ê是ná「不法者ê气力」,是tī暗中进行破坏ê事工,目前iáu m̄敢公开露面,因为有「阻止」ê气力tī-.teh。Á这「阻止」ê气力是甚么?使徒保罗并无说明。M̄-koh伊真清楚表示:当主耶稣koh再临来到ê时chūn,所显示出来ê光辉,就ē-sái chiah-ê隐藏tī暗处阻挡福音ê信息,á是欺骗信徒ê恶质行踏lóng会出现。

第9到12节,chit段经文thang看出有kóa「不法者」ê人抱tio̍h身上ê某种特殊力量,就会四界招摇欺骗。In chit种恶质行踏,ná亲像耶稣基督所指出ê,chiah-ê人会藉tio̍h耶稣基督ê名行神迹奇事,m̄-koh tī审判ê日子来临ê时,耶稣基督会真清楚对chit种人表示m̄-bat in,并且讲in是「作恶ê」人(参考马太福音七:22—23)。这mā说明一件事:m̄是会行奇迹异能就是tùi上帝来ê使者,á是上帝所拣选ê奴仆,有kóa人iáu是假冒上帝ê名,甚至是魔鬼ê化身neh!m̄-koh使徒保罗讲,chiah-ê lóng teh beh tī主koh来临ê时刻便显现出来,而对hiah-ê持守真理ê人,即使有人诱惑伊,伊mā有力量阻挡chiah-ê迷惑人心ê诡计。

第13到17节,tī chit段经文中,使徒保罗强调上帝选召帖撒罗尼迦教会ê信徒,hō͘ in成做福音ê种籽,并且hō͘ in成做圣洁、得救ê子民。Koh讲,拣选(呼召)siōng主要ê目的,就是hō͘被拣选者「有勇气来宣传kah实行一切美善ê事」,这就是见证上帝tī基督耶稣内面拯救ê慈爱。第15节提起传福音除了口传之外,iáu有书信。书信,乃是使徒保罗对今á日基督教会影响siōng深远ê「利器」。伊劝勉帖撒罗尼迦教会信徒,务必要有坚定ê信心,mā tio̍h坚守tùi使徒保罗kah其他同工所教导in ê「真理」。

重新查询 专卷研经 帖撒罗尼迦后书系列
错误回报,请联系