历代志下 35章20节 到 35章27节   背景资料  上一笔  下一笔
Chit段经文简单ê绍介约西亚晚年ê情况,含意真深。Mā说明约西亚对国际情势判断有错误,致使出兵去攻打正准备去phah亚述ê埃及军队,结果家己却无幸战死战场。

第20到22节,tùi chit段经文thang看出埃及王尼哥其实对约西亚iáu真细jī ê。伊无希望约西亚出来阻扰伊讨伐亚述。这mā反应出当时ê亚述当teh衰弱中,chiah hō͘约西亚有机会顺利而且大刀阔斧地进行宗教改革,而且ē-tàng hō͘北部ê以色列国某一kóa地区ê以色列人民mā tòe伊。埃及想beh出兵,真可能kah当时巴比伦当teh兴起,埃及王尼哥想beh藉tio̍h打压亚述,吓阻巴比伦日益壮大ê势力。M̄-koh显然对国际情势m̄是真清楚ê约西亚,却m̄听尼哥ê建议,iáu是坚持出兵去阻止埃及。

第23到24节,就tī米吉多ê战场所在,约西亚被埃及军ê箭射中而重伤。伊就án-ne往生。真可惜,chiah只有三十九岁而已。

第25到26节,伊ê往生连先知耶利米lóng感觉非常哀伤,特别为约西亚作哀歌。真可惜chit本所讲ê「哀歌集」已经失传。M̄-koh伊ê往生,mā是犹大kah耶路撒冷居民siōng-kài艰苦心ê事。

重新查询 专卷研经 历代志下系列
错误回报,请联系