短短几节经文，讲述大祭司耶何耶大án怎带领犹大人民kah新ê王约阿施立约，并且开始推动洁净宗教信仰ê工作。

第16节，chit节说明kui个改革运动中siōng重要ê一件事，就是kah上帝立约。耶何耶大siōng大ê贡献就是亲像约书亚仝款，带领国王约阿施（当时伊iáu软chiáⁿ）kah人民kah上帝立约，表明in愿意做上帝ê子民，忠实tī上帝ê话。

第17到19节，这是大祭司耶何耶大大力推动改革工作，m̄-nā kā所有巴力神庙、祭坛、偶像lóng拆毁，mā kā巴力ê祭司马坦处死。然后kā大卫王所定落来ê敬拜礼仪规章重新the̍h出来使用。Koh khah重要ê，就是派人严守圣殿ê洁净。

第20到21节，续落来就是由大祭司耶何耶大用隆重而且正式ê方式，kā所有犹大官员、贵族，以及民间领袖lóng带到王宫，表示拥护约阿施，hō͘伊正式登基。Á chit时chūn，约阿施chiah只有七岁，thang了解大祭司耶何耶大就是辅佐伊ê大臣。