Chit章经文mā thang参考列王记上第十五章16到24节。照列王记作者ê写法是：「犹大ê亚撒王kah以色列ê巴沙王在位期间，双方不时相战。」这表示虽然南北已经分开，却不时为tio̍h政治ê理由互相侵犯，却m̄是互相扶持、帮助。Tī头前一章讲犹大王亚撒对上帝忠心，知影凡事óa靠上帝ê庇护、带领，ná亲像头前第十四章记载伊óa靠上帝phah败古实一百万大军。M̄-koh chit章亚撒变了，当北国以色列王巴沙侵犯ê时，伊却the̍h圣殿ê钱去o͘-se叙利亚王出兵phah以色列。换句话讲，亚撒无koh óa靠上帝，却是óa靠政治力量，chit点真亲像伊ê a祖所罗门仝款，晚年ê信仰变质了，是非常可惜ê事。

第1到3节，chia tī记事顶面kah列王记上ê时间有差异，he就是依照列王记上第十六章8节ê记载：「犹大王亚撒二十六年，巴沙ê kiáⁿ以拉tī 得撒坐位做以色列王，共两年。(全民版)」

chit-má chia讲：「犹大王亚撒在位ê第三十六年，以色列王巴沙侵犯犹大。」án-ne tī时间上相差大约有十年时间，目前无法度理解差别ê原因。

	北国以色列想beh孤立犹大，断绝伊ê外援，án-ne就ē-tàng容易侵犯犹大，压制犹大成做附庸。因为án-ne，以色列王巴沙就tī拉玛筑垒设防。Á为tio̍h beh解决chit种被包围ê困境，亚撒bē记得tio̍h chhōe上帝ê帮忙。顶pái伊面临古实大军压境，就是走chhōe上帝帮助，结果得tio̍h全胜。M̄-koh chit pái伊却是chhōe叙利亚王便・哈达，而且是用圣殿kah王宫ê金银当做酬金，请求叙利亚出兵制裁以色列。Chit种kā上帝ê钱lóng作走chhōe外力帮助ê方式，mā是等于teh侮辱上帝仝款。

    第4到6节，果然，叙利亚就出兵phah北国以色列，hō͘会得thang色列王巴沙赶紧撤军，却因为án-ne留落来了真chē筑垒建材，变成犹大ê意外战利品。亚撒就kā chiah-ê材料搬运去修筑迦巴kah米斯巴这两座城市加强防卫工程。

	第7到10节，chit段是非常重要ê经文。Tī chit段经文中，上帝差派奴仆先知哈拿尼去见犹大王亚撒，指责伊óa靠叙利亚王，却m̄知tio̍h óa靠上帝。伊kā亚撒讲，上帝看顾对他忠实ê君王kah人民。先知哈拿尼mā举出实例，包括古实派出百万大军beh侵犯犹大，mā因为上帝出手帮助犹大，就kā百万大军phah得溃败逃走，chit种经验应该hō͘伊谨记在心。chit-má伊却bē记得。先知哈拿尼真清楚指出亚撒是一个真笨ê王，既然无愿意óa靠全能ê上帝，以后会tiāⁿ-tiāⁿ有战乱。先知哈拿尼chit种指责，犹大王亚撒非m̄-koh m̄知悔改，反tńg大大受气，下令先kā先知哈拿尼关起来，同时用koh khah残酷ê手段虐待人民。

第11到14节，chit段经文讲出亚撒心中已经完全无上帝ê信仰观念，即使伊生重病，mā无想beh走chhōe上帝ê医，只知影询问医生。因为án-ne，tī伊治国四十一年后，往生à。伊ê一生ná亲像头前所讲ê，kah所罗门仝款，lóng是晚年tī信仰上变了节，真是可惜。